Tsala Treetop Lodge

Hotel

Soos Gesien op Instagram
Kapasiteit: 44 persone
Geen kinders
Inkloktyd: 14:00 tot 00:00
Uitkloktyd: 11:00
Adres: Langs die N2, Plettenbergbaai, 6600, Wes-Kaap
Vanaf R17 850 per nag, vir 2 mense
TGCSA-gradering:

Beskrywing

Tsala Treetop Lodge is tussen 'n oeroue inheemse woud se boomtoppe geleë en is 'n lieflike viering van die Afrika-gees. Dié lodge se toweragtige ligging is onweerstaanbaar vir diegene wat op soek is na eksklusiewe verblyf. Hiér kan gaste die woud se rustigheid beleef terwyl die diskrete personeel topgehalte en persoonlike diens bied.

Verblyf word in 10 suites en 6 villas gebied. Die suites skuil tussen die woud se boomtoppe en is ideaal vir 'n paartjie wat op soek is na 'n romantiese wegbreek. Terwyl die tweeslaapkamer-villas vir 'n groep van 4 geskik is. Die suites en villas het privaat dekke met randvloeiswembaddens.

Die hoofrestaurant se gebou is aan die einde van die paadjie en lei na die pragtige ontvangsarea met die woud in die agtergrond. Die sitarea is baie gewild en hiér kan gaste drankies geniet, 'n boek uit die biblioteek lees en die WiFi benut. Daar is ook 'n dek buite waar gaste na die Knysna-loeries kan luister en dalk nog een raaksien!

Gaste kan op die dek eet met 'n uitsig oor die woud. Middagete en groep-aandete kan ook op die dek bedien word as die weer dit toelaat. Daar is plaaslike en internasionale wyn te kies en te keur.

Plettenbergbaai, een van Suid-Afrika se voorste kusbestemmings, bied pragtige goue strande en is slegs 10 km oos van die lodge, en die gewilde Knysna teen die Knysna-strandmeer is net 20 km wes.

Kry ’n Kwotasie