Tulbagh Mountain Bungalow

Selfsorg

Soos Gesien op Instagram
Kapasiteit: 4 persone
Alle ouderdomme is welkom
Inkloktyd: 14:00 tot 23:00
Uitkloktyd: 10:00
Adres: R46, Boontjiesrivier Erfdeel 20, Wolseley, 6830, Wes-Kaap
Vanaf R2 600 per nag (plek vir 4)

Beskrywing

Tulbagh Mountain Bungalow is 'n pragtige selfsorghuis op 'n prentjiemooi plaas aan die voet van die Winterhoekberge tussen Tulbagh en Wolseley. Hierdie huis spog met 'n asemrowende uitsig oor die plaas en op die berge in die agtergrond.

Dié eenslaapkamerhouthuis is op stelte gebou en bied slaapplek aan 'n klein gesin van 4. Die slaapkamer het 'n koningingrootte-bed en 'n en suite-oopplanbadkamer met 'n stort en 'n toilet. Daar is 'n uittrek-slaapbank in die sitarea wat slaapplek aan 2 gaste bied.

Die kombuis is met 'n yskas-vrieskas, gasstoof, mikrogolfoond, wasmasjien en 'n tuimeldroër toegerus. Die leefarea het 'n etenstafel, smeulstofie, sitarea en 'n TV. Die houthuis lei na 'n houtdek met sonstoele, 'n etenstafel en 'n braai-area. Daar is ook 'n grasperk onder die huis waar gaste op die 2 dekstoele kan agteroorsit.

Gaste is welkom om in die gemeenskaplike swembad op die plaas af te koel. Die houthuis is met 'n omsetter en sonkrag vir beurtkrag toegerus.

Kry ’n Kwotasie