Tuscany @ Sea 56

Selfsorg

Langtermynverblyf-aanbod 10% af

Kry 10% af vir verblyf wat 6 nagte of langer is. Hierdie aanbod is altyd geldig.

Kapasiteit: 4 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Van Melkhoutstraat af, Tergniet, 6625, Wes-Kaap
Vanaf ~~R1 000~~ R900 per nag (plek vir 4)

Beskrywing

Tuscany @ Sea 56 bied klein en gerieflike selfsorgverblyf met 'n lieflike see-uitsig en 'n aparte ingang op die eienaar se eiendom. Dit is net 500 m vanaf die strand in die hartjie van Tergniet geleë.

Dié duplekswoonstel bied slaapplek aan 4 gaste op 'n slag en beskik oor 'n slaapkamer met see-uitsigte, direkte toegang tot die balkon en ingerig met 'n dubbelbed. 'n Stort, wasbak en toilet is in die badkamer beskikbaar. Linne en handdoeke word voorsien; gaste moet egter hul eie beddegoed vir die slaapbank saambring (daar is 2 kussings).

Die leefarea beslaan die grondvlak en beskik oor 'n kombuis wat volledig toegerus is met 'n gasstoof, elektriese oond, mikrogolfoond, yskas-vrieskas, eetgerei en breekware asook tee- en koffiemaakgeriewe. Van die kombuis af lei 'n sitkamer met 'n dubbelslaapbank en 'n TV met DStv. Toegang tot gratis WiFi is beskikbaar.

Dié eenheid maak oop op 'n patio met 'n etenstafel en 'n ingeboude braai. Die boonste vlak lei na 'n balkon wat 'n ideale plek is vir 'n oggendkoffie terwyl jy die uitsigte geniet. Gaste kry parkeerplek vir 2 voertuie. Daar is 'n speelarea vir kinders net oorkant die pad en die strand is stapafstand.

Kry ’n Kwotasie