Tweede Wind

Selfsorg

Kapasiteit: 4 persone
Geen kinders onder 12
Inkloktyd: 15:00 tot 18:00
Uitkloktyd: 10:00
Adres: Kapakbossingel 32, Yzerfontein, 7351, Wes-Kaap
Vanaf R2 800 per nag, vir 4 mense

Beskrywing

Tweede Wind is in die kusdorpie Yzerfontein aan die Suid-Afrikaanse Weskus en word besit en bestuur deur 'n afgetreede paartjie.

Dit is 'n netjiese en skoon, moderne selfsorgwoonstel wat op die grondverdieping van 'n dubbelverdiepinghuis op 'n heuwel is. Die eenheid het wel 'n privaat ingang en bied onbelemmerde see-uitsigte.

Tweede Wind bied slaapplek aan 4 gaste in 2 dubbelslaapkamers. Een van die slaapkamers het 'n enkelkameranneks vir 'n baba. Daar is ook 2 badkamers, 'n oopplan-kombuisie en -leefarea en 'n stoep. Elke slaapkamer het 'n dubbelbed, 'n volledige en suite-badkamer en 'n plafonwaaier. Die woonstel word eksklusief verhuur en sal nooit met vreemde mense gedeel word nie.

Die kombuis is goed toegerus vir selfsorg met 'n volledige yskas-vrieskas, tweeplaat-induksiestoof met 'n uitsuigwaaier, kompakte lugbraaieroond, mikrogolf, toebroodjierooster, koordlose ketel, eetgerei, breekware, kookgerei en 'n plafonwaaier. 'n Beginpakkie van tee, koffie, beskuit, ys, gebottelde water, brikette en vuuraanstekers word voorsien en daar is ook genoeg skoonmaakmiddels, handewasseep en toiletpapier.

Die gerieflike leefarea het leunstoele, tafels en stoele, draagbare verwarmers en kniekomberse vir die winter, 'n platskerm-TV, volledige DStv en Catch-Up en 'n mediaboks met Netflix, Showmax en YouTube. Daar is ook 'n aantal speletjies, 'n verkyker en onbeperkte WiFi. Die stoep het 2 sonstoele en 'n piekniekbankie. Daar is 'n binnebraai wat met houtskool werk (geen hout mag daarin gebruik word nie) en 'n Weber vir buite.

Veilige parkeerplek vir 1 voertuig, moontlik 2, is beskikbaar op die perseel agter 'n gemotoriseerde hek, andersins kan 'n tweede voertuig in die straat parkeer. Die hele gebou het 'n alarmstelsel met buitesensors en die area word gepatrolleer deur 'n gewapende reaksie-maatskappy en buurtwag.

Aangesien die huis teen 'n helling geleë is is daar 'n stel trappe wat na die woonstel se ingang lei. Om hierdie rede is dit nie rolstoelvriendelik nie en mag dit moontlik nie geskik wees vir iemand wat moeilik stap of beweeg nie.

Kry ’n Kwotasie

Kamer-opset

Slaapplek vir 4 mense • 2 Slaapkamers • 2 Badkamers, 2 en suite

Slaapkamer

En suite

1 x Dubbelbed

Stort, Bad, Toilet

Slaapkamer

En suite

1 x Dubbelbed

Stort, Bad, Toilet

Resensies

5/ 5

Gebaseer op 37 resensies

Ongelooflik

Netheid

5.0

Ligging

4.9

Waarde vir geld

5.0

Diens

5.0

Veiligheid

5.0

Gaste se hoogtepunte

Johan S

Saam met lewensmaat

5.0

Baie lekker ontspan en als is daar wat jy benodig. Baie stil en rustig met pragtige uitsig, net wat die siel en ons nodig gehad het. Als is hier wat j...

Sien meer

Aug 2024

Erik V

Saam met lewensmaat

5.0

Lovely place to stay with an amazing view. Very friendly and accommodating hosts. Lovely place to stay with an amazing view. Very frien...

Word in die oorspronklike taal vertoon.

Sien meer

Mrt 2024

Albert V

5.0

Ongelooflik lekker! Dit was ongelooflik! Baie rustig en die mooiste uitsig. Die woonstel is skoon en netjies. Die gasheer was uitstekend.

Nov 2023

Leon D

Saam met lewensmaat

5.0

Hierdie is 'n plek uit die boonste rakke. Die is besonders netjies en alles wat 'n mens benodig is daar. Rupert en Christine is wonderlike gaste wat j...

Sien meer

Aug 2023

Hannelie 0

Saam met lewensmaat

5.0

5-ster verblyf met ongelooflike see-uitsig! Baie hoë standaard van netheid en gerief. Baie goed toegeruste en netjiese geriewe. Gasheer en gasvrou toe...

Sien meer

Apr 2023

Sien al 37 resensies