Beskrywing

Twilight Time is 'n lieflike woonstel in Bakoven in Kampsbaai en is net 'n hanetreetjie van rotspoele af en het 'n mooi uitsig oor die see. Die woonstel is ideaal vir 'n gesin of 'n groep paartjies.

Die eenheid het 3 slaapkamers 1 en suite-badkamer en 'n tweede badkamer met 'n stort en 'n spa-bad. Daar is ook 'n aparte gastetoilet. Die kombuis is nuut opgeknap en met 'n skottelgoedwasser, Nespresso-masjien en 'n gas- en elektriese stoof toegerus. Verder is daar 'n wasmasjien en vinnig WiFi.

Twilight Time het 'n verhitte swembad op die dek met 'n mooi uitsig op die agterkant van Tafelberg, die 12 Apostels en oor die see.

Dié woonstel is beskikbaar tydens sekere tye van die jaar.

Twilight Time is ideaal geleë om voordeel te trek uit alles wat Bakoven, Kampsbaai, Kaapstad en die pensinula bied. Hoewel daar parkeerplek vir 2 voertuie in die straat is, het gaste nie voertuie nodig met die bushalte reg voor jou deur, en die Kampsbaai-strook 'n kort entjie ver nie. Dit laat jou ook toe om jou skoene uit te skop en op te krul in 'n stoel met 'n uitsig op die immer veranderende oseaan en nie te beweeg nie.

Bakoven is 'n eksklusiewe klein voorstad aan die kus net 1 km se stap vanaf die lewendige en gewilde Kampsbaai. Kampsbaai lê net anderkant die vier strande van Clifton in 'n buitengewone pragtige omgewing omring deur die 12 Apostels en Tafelberg aan die een kant en Lion's Head aan die ander kant.

Besoekers reg oor die wêreld is mal oor die wit strande met palmbome. Victoria-boulevard loop al langs die kus af en het 'n rits koffiewinkels, bistros en restaurante.

Die rotse en klein strande net af in die straat is ideaal vir piekniek en skemerkelkies. Hier sal gaste die jong en lewendige skare van Kaapstad vind, wat teen sononder die rotse besoek.

Twilight Time is onlangs opgeknap. Hier kan gaste regtig ontspan. Dit is die perfekte basis om ontbyt by Bootlegger te kry, of na Kampsbaai na Woolies of Pick'n Pay te gaan vir kruideniersware om self ontbyt te maak. Vir 'n bietjie oefening, kan gaste gaan stap of draf, fietsry al langs die kus tot by Houtbaai, Chapmanspiek of die Waterfront, of voetslaan in die berge.