Two Oceans

Selfsorg

Soos Gesien op Instagram
Kapasiteit: 7 persone
Alle ouderdomme is welkom
Inkloktyd: 16:00 tot 20:00
Uitkloktyd: 10:00
Adres: Topaz-weg 20, San Michel, Noordhoek, 7979, Wes-Kaap
Vanaf R7 700 per nag, vir 7 mense

Beskrywing

Two Oceans is 'n pragtige vakansiehuis met 'n see-uitsig in die hartjie van die skouspelagtige area San Michel in Noordhoek. Die huis is ideaal vir 'n kuswegbreek en het 'n lieflike buite-kuierarea met 'n pragtige see-uitsig in die verte.

Die huis bied slaapplek aan 7 volwassenes en 1 kind en beskik oor 5 slaapkamers, 3 badkamers en 'n gastetoilet. Die hoofsuite het 'n koninggrootte-bed en 'n en suite-badkamer met 'n bad en 'n stort. Die tweede slaapkamer het 'n enkelbed, die derde slaapkamer het 'n enkelbed vir 'n kind, die vierde slaapkamer het 'n koninggrootte-bed en die vyfde slaapkamer het 'n dubbelbed. Die ander 2 badkamers het elk 'n stort.

Die helder en lugtige oopplan-leefarea beskik oor 'n stylvolle kombuis wat met 'n gasstoof, elektriese oond, mikrogolfoond, yskas-vrieskas, koffiemasjien, eetgerei, breekware en 'n eiland met stoele toegerus is. Die kombuis lei na 'n etenstafel met oorgenoeg sitplek. Die sitarea het gemaklike sitplek, 'n kaggel en 'n TV. Gratis WiFi is ook beskikbaar.

Stapeldeure lei na 'n houtdek wat gedeeltelik onderdak is en 'n buite-etenstafel, sonstoele en 'n gemaklike sitarea het. Die tuin is lekker groot en spog met nog sonstoele en braaigeriewe.

Kry ’n Kwotasie