Uit Die Blou

Selfsorg

Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Erf 1162, Breedezicht, Witsand, 6666, Wes-Kaap
Vanaf R3 400 per nag (plek vir 10)

Beskrywing

Uit Die Blou bied gerieflike selfsorgverblyf in 'n smaakvol gemeubileerde dubbelverdiepinghuis met pragtige uitsigte oor die Breederivier. Hierdie lieflike 4-slaapkamerhuis is geleë op 'n privaat en afgesonderde eiendom aan die rand van Witsand, met rivier- en strandtoegang. Die eiendom word omring deur landerye in die noorde en die Breederivier in die suide.

Die huis beskik oor 'n oopplan-kombuis op die boonste vloer met opwaskamer, gastetoilet en 'n leef- en eetarea met 'n kaggel en panoramiese rivier-uitsigte. Daar is 'n beskutte dek buite met 'n ingeboude braai en oorgenoeg sitplek. Van die gang van die leefarea af is 2 en suite-slaapkamers met privaat balkonne wat noord front. Die eerste slaapkamer is ingerig met 'n koninggrootte-bed en die tweede slaapkamer het 'n koningingrootte-bed.

Die onderste verdieping beskik oor 2 slaapkamers, een met 'n dubbelbed en 'n stapelbed vir kinders en die ander met 'n dubbelbed en 'n en suite-badkamer. Albei slaapkamers het hul eie privaat balkon. 'n Gesellige leefarea en kombuisie skei die 2 slaapkamers. Bad- en stortgeriewe is in die badkamers beskikbaar.

Die kombuis is toegerus vir selfsorg met 2 yskas-vrieskaste, 'n oond en stoof, en 'n mikrogolfoond, asook 'n skottelgoedwasser vir gerief. 'n Wasmasjien en tuimeldroër is ook beskikbaar.

Veilige parkeerplek is op die perseel beskikbaar, met genoeg spasie vir 2 motors. Alternatiewe parkering moet in Witsand gesoek word as jy 'n boot saambring. Die jacuzzi word slegs beskikbaar gestel vir gaste wat 5 dae en langer bly.

Kry ’n Kwotasie