Underhill Farm

Selfsorg

Kapasiteit: 14 persone
Alle ouderdomme is welkom
Inkloktyd: 15:00 tot 20:00
Uitkloktyd: 10:00
Adres: Plaas E34 Van der Stelpas, Villiersdorp, Vyeboom, 7171, Wes-Kaap
Vanaf R980 per nag (plek vir 2)

Beskrywing

Underhill Farm is 'n 100% opgeknapte eko-vriendelike en troeteldiervriendelike gasteplaas wat in die Overberg op die oewer van die Botrivier geleë is. Dis minder as 100 km vanaf Kaapstad wat dit 'n ideale midweek- of naweekwegbreekbestemming maak. Die plaas gebruik sonkrag, die kothuise is gebou van herwonne en volhoubare materiale en versigtig geposisioneer om te verseker elkeen het sy eie unieke uitsig, fasiliteite, landskap en privaatheid.

Die verblyf bestaan uit 4 kothuise op die plaas; Rivendell Cottage, Hobbit Hollow, Oak Cottage and the Earthship.

Rivendell Cottage, wat op die rand van die Twaalfontein-stroom geleë is, het twee slaapareas en een badkamer, met 'n koninggrootte-bed in die eerste area en 'n dubbel- en enkelbed in die tweede. Die stoep het 'n omheinde braai-area met oorgenoeg sitplek en 'n pizza-oond. Daar is 'n borrelbad en plonspoel en trappe af na 'n privaat vuurput wat tussen die populierwoud en langs die stroom geleë is.

Hobbit Hollow is aan die oorkant van die plaas geleë op die oewer van die rivier. Dit het 1 slaapkamer met 'n koninggrootte-bed, 1 badkamer en 'n volledig toegeruste kombuis. Daar is 'n braai-area buite die sitkamer wat oor die Botriviervallei uitkyk. Daar is 'n borrelbad in die tuin.

Oak Cottage bied slaapplek aan 2 gaste en is toegerus met 'n koningingrootte-bed, 'n badkamer met 'n stort, asook 'n buitebadkamer met 'n bad en stort. Daar is 'n binnebraai-area sowel as 'n buite-vuurput, 'n binnenshuise sitarea en 'n kombuisie wat toegerus is met 'n yskas, mikrogolf en gasstoof. Daar is nie 'n oond nie.

Die Earhship is die mees privaat kothuis in die hoek van die plaas. Dit het 'n natuurlike swembad, borrelbad en vuurmaakplek langs die stroompie. Die onderdakstoep het 'n braai- en pizza-oond en 'n groot etenstafel met stoele. Daar is 'n groot sitkamer en kombuisarea met 'n toebrandkaggel. Daar is drie en suite-slaapkamers.

Kry ’n Kwotasie