Vaaldam @ Sgt Pepper's

Selfsorg

Spesiale Aanbod 30% af

Kry 30% af (minimum twee nagte se verblyf). Geldig vir verblyf vanaf 15 Jan 2024 tot 31 Jan 2025.

Gratis kansellasie tot 24 uur voor jou verblyf!
Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Strydomstraat 22, Vaaldam, Oranjeville, 1995, Vrystaat
Vanaf ~~R2 600~~ R1 820 per nag (plek vir 10)

Beskrywing

Sgt Pepper's Gastehuis is op die oewer van die Vaaldam in die dorpie, Oranjeville, in die Vrystaat geleë. Die perseel het direkte toegang tot die dam met 'n area waar gaste hulle bote te water kan laat.

Die huis het slaapplek vir 10 gaste, naamlik 6 volwassenes en 4 kinders, en beskik oor 3 slaapkamers en 2 badkamers met 'n gastetoilet. Die eerste slaapkamer het 'n dubbelbed en die tweede en derde slaapkamer het elkeen 2 enkelbeddens. Langsaan die hoofslaapkamer is daar 'n dubbelslaapbank en in die leefarea het 2 enkelslaapbanke. Alle linne, handdoeke en toiletpapier word voorsien.

Die huis het 'n kombuis, 2 leefareas met TV's en DStv-kanale, en 'n eetarea. Die kombuis is met 'n yskas-vrieskas, mikrogolfoond, stoof, oond en genoeg kaste met breekware, eetgerei, potte, panne, bakware en oondware toegerus. Die aparte opwaskamer het 'n skottelgoedwasser, wasmasjien, diepvrieskas en 'n ysmasjien.

Die ruim onderdakstoep spog met 'n ingeboude braai en stoepmeubels. Van hiér af kan gaste heerlik oor die dam tuur. Die huis is met 'n alarmstelsel beveilig. Troeteldiere word toegelaat indien dit vooraf gereël word.

Doendinge in die omgewing sluit visvang, watersport, kajakvaart, fietsry en ander buitesport in.

Kry ’n Kwotasie