Vennebos Cottages

Selfsorg

Langtermynverblyf-aanbod 10% af

Kry 10% af vir verblyf wat 7 nagte of langer is. Hierdie aanbod is altyd geldig.

Kapasiteit: 7 persone
Geen kinders onder 12
Inkloktyd: 14:00 tot 22:00
Uitkloktyd: 10:00
Adres: Porsie 20 of Plaas 187, Rheenendal-weg, Knysna, 6756, Wes-Kaap
Vanaf ~~R950~~ R855 per nag (plek vir 2)

Beskrywing

Vennebos Cottages bied selfsorgverblyf op 'n kleinhoewe wat 8,3 hektaar groot is en in Rheenendal tussen place op 'n plat stuk land geleë is. Hier kan gaste die plaaslike fauna en flora geniet in 'n stil, groen omgewing.

Verblyf is beskikbaar in 3 kothuise. Kothuis 1 is 'n klein dubbelverdiepinghuis met 'n kombuisie wat met 'n mikrogolf, elektriese braaipan, ketel en yskas toegerus is. Daar is 'n knus sitarea en 'n badkamer met 'n stort en 'n toilet op die grondverdieping. Die slaapkamer is op die boonste verdieping onder 'n spitsdak en het 'n dubbelbed. Daar is ook 'n lieflike stoep met 'n tafel en stoele, en gaste het toegang tot die lapa wat 'n stoof het. Hierdie kothuis is nie vir lang gaste geskik nie.

Kothuis 2 is geskik vir 2 of 3 gaste en beskik oor 'n koninggrootte-bed en 'n enkelbed. 'n Enkelbed vir 'n tiener kan by die slaapkamer op die boonste verdieping gevoeg word. Die badkamer het 'n stort, toilet en wasbak. Verder is daar 'n kombuis, sitkamer, eetarea, kaggel, tee- en koffiemaakgeriewe.

Kothuis 3 is geskik vir 2 gaste en het 'n koningingrootte-bed en 'n badkamer met 'n stort, toilet en wasbak. Verder is aar 'n kombuise, sitkamer, eetarea, tee- en koffiemaakgeriewe. Gaste kan in die Lapa langsaan kook.

Daar is ook 'n gemeenskaplike swembad-area met 'n lapa waar gaste kan braai, kook, ontspan, oefen en speletjies speel.

Die gashere woon in die hoofhuis en staan gereed om gaste by te staan waar hulle kan. Portland Manor is net 3 km ver. Hier kan gaste die restaurant, kroeg en byeenkomste geniet.

Kry ’n Kwotasie