Villa 1356 Ekubo Coastal Estate

Selfsorg

Kapasiteit: 10 persone
8 volwassenes, 2 kinders
Alle ouderdomme is welkom
Inkloktyd: 14:00 tot 23:00
Uitkloktyd: 10:00
Adres: Hoofsuidkus-weg R61, Leisure Bay, Port Edward, 4295, KwaZulu-Natal
Vanaf R6 000 per nag (plek vir 10)

Beskrywing

Villa 1356 Ekubo Coastal Estate is 'n 432 vierkante meter-dubbelverdiepingselfsorghuis op die veilige Ekubo Kuslandgoed in Leisure Bay, Port Edward. Dié landgoed het 24 uur-sekuriteit, direkte toegang tot 2 strande en 'n klubhuis met 'n swembad, speelarea vir kinders, muurbalbaan en 'n gimnasium.

Verblyf is beskikbaar in 'n villa wat geskik is vir 8 volwassenes en 2 kinders onder 12. Daar is 4 slaapkamers, 4 badkamer, 'n gastetoilet, oopplan-kombuis, -eetarea en -leefarea en 'n balkon wat rondom die villa strek.

Die eerste slaapkamer het 'n koningingrootte-bed en 'n en suite-badkamer met 'n bad en stort en skuifdeure wat na die balkon lei. Die tweede en derde slaapkamer het elk 'n dubbelbed en 'n en suite-stort, asook 'n skuifdeur wat na die balkon lei. Die vierde slaapkamer is op die onderste verdieping en het 'n koningingrootte-bed, stapelbed en 'n en suite-badkamer met 'n bad en stort. Die kamer het 'n skuifdeur wat na 'n klein privaat stoep lei met stoele. Elke kamer het lugversorging.

Die kombuis is met 'n yskas, mikrogolf, gaskookplaat en elektriese oond toegerus. Daar is 'n etenstafel met sitplek vir 8 en in die sitarea is daar 'n TV met 'n DStv-speler en sekere DStv-kanale. Die leefarea het skuifdeure wat na 'n onderdak-kuierbalkon lei wat sitplek, 'n etenstafel, vuurput, privaat swembad en sonstoele het. Gaste kan walviskyk vanaf die balkon.

Kry ’n Kwotasie