Villa Struis

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 23:00
Uitkloktyd: 10:00
Adres: Strilitzia-straat 15, Struisbaai, 7285, Wes-Kaap
Vanaf R2 180 per nag (plek vir 6)

Beskrywing

Villa Struis is 'n lieflike selfsorgvakansiehuis wat in Struisbaai geleë is, 'n kort entjie se ry vanaf Struisbaai se hoofstrand, wat dit 'n ideale opsie maak vir 'n gesinsvakansie langs die kus.

Dié eiendom kan tot 6 gaste op 'n slag akkommodeer en beskik oor 3 slaapkamers en 2 badkamers. Die eerste slaapkamer is gerieflik ingerig met 'n dubbelbed en beskik oor 'n en suite-badkamer met 'n stort. Die tweede slaapkamer het 'n dubbelbed, terwyl die derde slaapkamer 2 enkelbeddens het. Hierdie slaapkamers deel die gebruik van die tweede badkamer, toegerus met beide 'n bad en 'n stort. Linne word voorsien; gaste word egter verplig om hul eie handdoeke saam te bring.

Die huis spog met 'n goed toegeruste kombuis wat 'n gasstoof, oond, mikrogolf, ketel, broodrooster, yskas-vrieskas, skottelgoedwasser en 'n sentrale eiland met stoele insluit. Die sitkamer en eetarea het gemaklike sitplek vir gaste om te eet en te ontspan en het ook 'n binnebraai. Vir gastevermaak is 'n slim-TV en toegang tot gratis WiFi beskikbaar.

Die leefarea maak oop op 'n patio met buitesitplek en 'n ingeboude braai wat uitkyk oor die ruim, omheinde troeteldiervriendelike tuin. Gaste kry veilige parkeerplek op die perseel.

Kry ’n Kwotasie