Beskrywing

Villa the Cherry is 'n luukse seekant-eenheid in 'n unieke omgewing. Dit spog met 'n ontwerp wat al in baie internasionale tydskrifte gebruik is. Die eenheid is op 'n krans geleë en bied 'n onbelemmerde uitsig oor die see. Dit is ook langsaan Walkerbaai Natuurreservaat geleë. Daar is heel dag lekker skadukolle en sonplekkies om van te kies en gaste word bederf met 'n ongelooflike uitsig oor die see deur die dag en die pragtige sterrehemel saans.

Die 3 slaapkamers het elk 'n koninggrootte-bed en hul eie badkamer. Daar is slaapplek vir 6 volwassenes. Dit is stil, veilig, privaat en rustig. Gaste sal nie enige verkeer hoor nie, net die wind, golwe en walvisse. Dit is seker die beste plek in die wêreld vir walviskyk van jou gemakstoel af. Gaste sal die geleentheid hê om te sien hoe walvisse in die water baljaar en geboorte skenk aan hul kalfies.

Villa the Cherry bied 'n unieke uitsig op die walvisse wat van September tot November hier aan die kus kom kuier.