Villa Werelia

Beskrywing

Villa Werelia bied gerieflike selfsorgverblyf in 'n gesinsvakansiehuis in Leisure Bay en is stapafstand vanaf die omliggende strande.

Die huis het slaapplek vir 6 gaste in die hoofhuis, slaapplek vir 2 gaste in die aparte woonstel met lugversorging en sy eie geriewe, en 'n enkelwoonstel vir nog 1 gas.

Die hoofhuis beskik oor 3 slaapkamers en 2 badkamers. die hoofslaapkamer het 'n koningingrootte-bed en lugversorging. Die tweede en derde slaapkamer het elk 2 enkelbeddens en plafonwaaiers. Daar is 2 badkamers waarvan 1 'n stort en die ander 'n bad het.

Die huis het 'n oopplan-sitarea, -eetarea en -kroeg wat op 'n stoep met meubels oopmaak. Hier kan gaste rustig ontspan of hulle kan op daardie warm, somersdae in die swembad baljaar.

Die kombuis is met 'n yskas-vrieskas, 'n stoof met 'n glasblad, oond, en 'n mikrogolf toegerus. Daar is 'n diepvrieskas en 'n ekstra vrieskas op die stoep vir drankies. Verder is daar 'n opwaskamer met 'n bolaaier-wasmasjien.

Die aparte woonstel het 'n koningingrootte-bed en plek vir 'n opvoukot indien dit benodig word. Die woonstel het lugversorging, 'n TV, 'n yskas, mikrogolfoond en 'n ketel. Daar is ook 'n stort en toilet.

Die enkelwoonstel het 'n driekwartbed, 'n waaier en 'n aparte stort en toilet.

Daar is 'n groot kuierarea met 'n ingeboude braai, 'n tafel en stoele tussen die woonstel en die hoofhuis. Hierdie area skuil onder groot bome wat skaduwee gedurende die dag bied en daar is kolligte wat die area in die aand verlig.

Die eiendom het 'n buitestort waar gaste hulself kan afspoel na 'n dag by die strand en het 'n muur om. Daar is ook 'n toesluitmotorhuis.