De Mond Cottage

Selfsorg

Kapasiteit: 10 persone
Alle ouderdomme is welkom
Inkloktyd: 12:00 tot 20:00
Uitkloktyd: 10:00
Adres: De Mond-pad, Arniston, Bredasdorp, 7280, Wes-Kaap
Vanaf R2 300 per nag (plek vir 10)

Beskrywing

De Mond Cottage is net 21 km vanaf Arniston in die Wes-Kaap geleë en bied verblyf in 'n kothuis wat oorspronklik in die vroeë 1900's gebou is. Dié kothuis skuil tussen fynbos en word deur landerye omring. Dit is privaat van die hoofopstal en net 3 km vanaf De Mond Natuurreservaat.

De Mond Cottage beskik oor 'n sitarea, 3 slaapkamers wat slaapplek vir 6 gaste het, 2 badkamers en 'n solder op die boonste verdieping met slaapplek vir 4 gaste. Die kombuis is vir selfsorg toegerus en het 'n gasyskas en 'n gasstoof. Buitebraaigeriewe is ook beskikbaar. Die kothuis spog met 'n kaggel. Breekware en eetgerei word voorsien. Gaste moet asb. hul eie beddegoed, soos linne, duvets en komberse, saambring. Daar is nie elektrisiteit nie, maar paraffienlampe en kerse word voorsien.

Hierdie verblyf is tussen Arniston en Struisbaai, 205 km vanaf Kaapstad, geleë. Die riviermond van die Heuningsnesrivier, De Mond, bied ongerepte natuurskoon. Hierdie area is perfek vir hengelentoesiaste, met geleenthede om knorders, steenbras, leervis, kabeljou, springvis en nog meer in beide die riviermond en langs die kus te vang. Voëlkykers sal ook die reusesterretjie, swarttobie, bloukraanvoëls, flaminke en nog meer in die vlei en velde op die plaas kan sien.

De Mond-kothuis en Vissershut is die ideale plek om vir 'n naweek te ontspan met 'n uitsig oor die plaas se landerye en pragtige sonsondergang.

Kry ’n Kwotasie