Stilte, waarde vir geld en gerief uit die boonste rakke. Die kothuis is 'n gerieflike, ruim drieslaapkamer eenheid ten volle toegerus vir selfsorgverblyf. Gasvrou is professioneel, vriendelik en uiters behulpsaam. In die sitkamer is 'n heerlike kaggel om die koue te verdryf en die elektriese komberse op die beddens sorg vir 'n snoesige nagrus. Omdat daar feitlik geen ligbesoedeling is nie, sal jy op wolklose aande 'n onoortreflike sterre-skouspel kan beleef. As jy stilte en 'n rustige plaasomgewing belangrik ag, dan moet Vorstershoek beslis op jou lys wees. Kan jou inlig oor al die besienswaardighede in die omgewing: bv. Joubert's Pas, die Lady Grey dam, en vir ons die absolute hoogtepunt, 'n besoek aan die kransaasvoël broeikolonie, net enkele kilometers vanaf Vorstershoek-plaas. Maak seker jy sit 'n paar ure opsy om laatmiddag die terugkerende aasvoëls waar te neem. Ons sal baie graag weer by Vorstershoek kothuis wil oorbly.

Baie lekker gebly. Beste verwelkoming ooit, al het ons laat skemer opgedaag. Die beste verwelkoming ooit. Dankie is so klein woordjie, maar dit kom uit ons hart.

Ruim verblyf, rojale boerekos-ete na bestelling, rustig en veilig. Goeie kommunikasie, hartlike ontvangs, rustige en pragtige omgewing, veilig, groot eenheid soos ʼn volle huis.

Pragtige ligging met vriendelike mense. Gasheer en gasvrou was baie behulpsaam en vriendelik. Omgewing is pragtig, met baie opsies vir stap en fietsry.

'n Oornag stop met onverbeterlike diens. 'n Baie aangename verblyf met ekstra bederf en uitmuntende diens, vriendelikheid en gasvryheid. Word hoogs aanbeveel.

Weereens inboekreëling was baie goed getref. Eienaar het voortreflik met my gekommunikeer oor die inboekreëlings, plek was baie netjies en skoon, die plaas is geleë in 'n baie mooi omgewing van ons land.

Plaasgasvryheid op sy beste! Ons het Vorstershoek vreeslik geniet. Dis netjies en die eienaars (en hondjies) is vriendelik. Hulle laat jou toe om die plaas plat te stap en die omgewing is pragtig. Doen jouself 'n guns en bespreek aandete - dis soos vanmelewe se Sondagmiddagete en jy sal jou vingers aflek.

Warm gasvryheid. Op 'n koue wintersdag die warm verwelkoming deur die gashere, die gesellige kaggelvuur en elektriese kombers om 'n mens snoesig tuis te laat voel. Ek sal beslis weer op Vorstershoek wil gaan kuier.

Heerlike plaasatmosfeer met pragtige tuin. As jy van die natuur en stilte hou is Vorstershoek waarna jy soek. Die woonstel is ruim en volledig toegerus. Die toegangspad na die plaas en plaas-afdraai is meer geskik vir bakkies en sport nutsvoetuie.

Vriendelik en gasvry. Ons het heerlik op die plaas gekuier. Pragtige omgewing, vriendelike mense en netjiese verblyf.