Vreugde Gasteplaas

Selfsorg

Kapasiteit: 23 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Plaas Naomi, R714, Warden, 9890, Vrystaat
Vanaf R800 per nag, vir 2 mense

Beskrywing

Vreugde Gasteplaas bied gerieflike verblyf in 'n rustige plaasatmosfeer, omring deur skilderagtige natuurskoon, sentraal geleë in die Oos-Vrystaat tussen die dorpe Warden en Bethlehem. Die plaas is net 18 km van die N3 af, halfpad tussen Johannesburg en Durban en op pad van al die Kaapse provinsies na die Krugerwildtuin. Dit is 'n perfekte oornagverblyf vir die kieskeurige gas om te ontspan in die natuur weg van die onophoudelike geraas van vragmotors en verkeer. Vreugde Gasteplaas is ook gerieflik geleë tussen Bethlehem, Reitz, Kestell, Harrismith en Vrede, vanwaar die area verken kan word.

Verblyf beskik oor 8 selfsorg-ateljees, met en suite-badkamers, en 'n selfsorgkothuis. Die ateljees is ingerig met gemaklike beddens en die badkamers is toegerus met óf 'n bad óf 'n stort. Elke eenheid het 'n klein kombuisie om ligte maaltye voor te berei. Die kothuis beskik oor 3 slaapkamers, 'n badkamer met 'n stort en 'n hoekbad, 'n kombuis met 'n eetarea en 'n sitkamer. Die kothuis en ateljees kan 23 mense akkommodeer.

Geriewe op die perseel sluit 'n netjiese kompleks met 'n sitkamer-eetarea en braaigeriewe in die pragtige binnehof in. Gratis WiFi is beskikbaar.

Doendinge op die perseel sluit voëlkyk, sterrekyk, piekniek, stap, bergfietsry en fotogeleenthede in.

Doendinge soos voetslaan, vierwielmotorfietsry, bergfietsry, abseil, witriviervlotvaart, boogskiet, verfbal en kloofswaai asook die besoek van die talle kunsgalerye, koffiewinkels, geskenkwinkels en markte is binne maklike bereik van die plaas af.

Plekke van belang in die omgewing sluit in die NG Kerk in Warden, die Rotsskilderye in Clarens en Golden Gate Highlands Nasionale Park, die Basotho Cultural Village ook in die Golden Gate Highlands Nasionale Park, die Dinosourusspore en Surrender Hill in Clarens en Fouriesburg area , die Platberg Natuurreservaat in Harrismith, Rensburgkop in Swinburne, Lost Valley in Geluksburg, Sterkfonteindam, Kaalvoetvrou en Retief Pas, Verkykerskop, die Noordelike Drakensberge, Bethlehem Museum en Lugskou, die Bielie Mielie Fees in Reitz en verskeie leeuplase.

Kry ’n Kwotasie

Dít is wat jy hier sal kry

Tee en koffie

Gratis, veilige parkeerplek

WiFi

Mooi uitsig

Resensies

4.7/ 5

Gebaseer op 82 resensies

Uitstekend

Netheid

4.9

Ligging

4.5

Waarde vir geld

4.8

Diens

4.8

Veiligheid

4.7

Gaste se hoogtepunte

Suzeth K

Gesin met klein kinders

5.0

Oornag verblyf tussen Warden en Bethlehem. Goeie oornag verblyf tussen Bethlehem en Warden. Skoon en netjies. Sal enige tyd weer Vreugde Gasteplaas be...

Sien meer

Des 2024

Alta J

5.0

Baie goeie veilige akkommodasie, naby genoeg aan hoofpad. Perfekte plek om te ontspan. Die akkommodasie is uiters netjies en ruim en kom niks kort. Ga...

Sien meer

Des 2024

Hennie S E

Saam met lewensmaat

5.0

Altyd lekker rustig om hier te oornag. Sien sterre.

Des 2024

Keryn D

Gesin met klein kinders

5.0

Friendly owner met us at the gate to show us to our unit. Very nice, large yet cosy house.

Word in die oorspronklike taal vertoon.