Vreugde Gasteplaas Self-Catering

Selfsorg

Kapasiteit: 25 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Plaas Naomi, R714, Warden, 9890, Vrystaat
Vanaf R800 per nag, vir 2 mense

Beskrywing

Vreugde Gasteplaas Self-Catering is sentraal in die Oos-Vrystaat tussen Warden en Bethlehem geleë en bied gerieflike verblyf met 'n rustige plaasatmosfeer, wat deur skilderagtige natuurskoon omring word. Die plaas is net 18 km van die N3 af, halfpad tussen Johannesburg en Durban en op al die roetes vanaf die Kaapse provinsies na die Krugerwildtuin. Dit is die ideale oornagverblyf waar kieskeurige gaste in die natuur kan ontspan, weg van die onophoudelike geraas van vragmotors en verkeer. Vreugde Gasteplaas Self-Catering is ook gerieflik naby Bethlehem, Reitz, Kestell, Harrismith en Vrede geleë, vanwaar die omgewing verken kan word.

Verblyf word in 8 selfsorg-ateljeewoonstelle met en suite-badkamers, en 'n selfsorgkothuis gebied. Die ateljeewoonstelle het elk gemaklike beddens, 'n badkamer met 'n bad of 'n stort, en 'n kombuisie om ligte maaltye voor te berei. Die kothuis beskik oor 3 slaapkamers, 'n badkamer met 'n stort en 'n hoekbad, 'n ten volle toegeruste kombuis, eetarea en 'n sitarea. Die kothuis en ateljeewoonstelle kan saam 25 gaste akkommodeer.

Geriewe op die perseel sluit 'n netjiese kompleks met ‘n pragtige binnehof in, wat ‘n gemeenskaplike sit- en eetarea en braaigeriewe bied. Gratis Wi-Fi is beskikbaar.

Aktiwiteite op die perseel sluit voëlkyk, sterrekyk, piekniek, stap, bergfietsry en fotogeleenthede in.

Aktiwiteite in die omgewing sluit voetslaan, vierwielmotorfietsry, bergfietsry, abseil, riviervlotvaart, boogskiet, verfbal en kloof-swaai in. Gaste kan ook die rits kunsgalerye, koffiewinkels, geskenkwinkels en markte besoek.

Besienswaardighede wat gaste in die omgewing kan besoek, sluit die NG Kerk in Warden, rotskuns in Clarens en die Golden Gate Highlands Nasionale Park, die Basotho Cultural Village, die dinosourusspore en Surrender Hill in Clarens en Fouriesburg, die Platberg Natuurreservaat in Harrismith, Rensburgkop in Swinburne, Lost Valley in Geluksburg, Sterkfonteindam, Kaalvoetvrou en Retiefpas, Leeuplase, Verkykerskop, die Noordelike Drakensberge, Bethlehem Museum en Lugskou, die Bielie Mielie Fees in Reitz en 'n paar wildsplase in.

Kry ’n Kwotasie