Vuurvliegie en Sonbesie

Selfsorg

Gratis kansellasie tot 1 week voor jou verblyf!
Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Mambastraat 2137, Marloth Park, 1321, Mpumalanga
Vanaf R1 100 per nag (plek vir 2)

Beskrywing

Vuurvliegie en Sonbesie is in die Marlothpark-bewarea geleë en grens aan die Krokodilrivier en die suidelike deel van die Krugerwildtuin.

Vuurvliegie is 'n oopplan-grasdakboomhuis met slaapplek vir 2 gaste. Dit het 'n oopplan-uitleg met 'n slaaparea, badkamer, leefarea en 'n kombuis. Die kombuis is met 'n mikrogolfoond, klein yskas-vrieskas en gasoond en -stoof toegerus. Daar is ook 'n groot tafel met 6 stoele in die kombuis. Die slaapkamer het 'n dubbelbed met 'n muskietnet en die badkamer het 'n bad, wasbak, toilet, haardroër en handdoeke. Linne word voorsien, maar gaste moet hulle eie swemhanddoeke saambring indien hulle die privaat plonspoel wil gebruik.

Die sitarea het gemaklike rusbanke en 'n koffietafel waarby gaste die talle boeke en tydskrifte uit die boekrak kan sit en lees. Die huis het 'n plafonwaaier en lugversorging. Die buite-badkamer het 'n stort, wasbak en 'n toilet.

Die huis het ook 'n dek wat reg rondom strek met 'n etenstafel vanwaar gaste wild kan dophou en tot laat na die geluide van die bos kan sit en luister. Die privaat boma het 'n vuurput. Let dat 'n braairooster nie voorsien word nie.

Sonbesie bied slaapplek aan 4 gaste en beskik oor 2 slaapkamers. Die eerste slaapkamer het 'n dubbelbed en die tweede slaapkamer het 2 enkelbeddens. Die eenheid het ook 'n binne- en buitebadkamer met 'n stort, wasbak en 'n toilet. Ander geriewe sluit lugversorging, 'n kombuis, sitarea, eetarea en tee- en koffiemaakgeriewe in.

Gaste kan wild soos koedoes, impalas, rooibokke, blouwildebeeste, volstruise, vlakvarke en kameelperde van die eenheid af dophou. Verder het gaste ook toegang tot 'n privaat plonspoel en 'n boma met 'n vuurput. Let dat 'n braairooster nie voorsien word nie.

Daar is verskeie aktiwiteite in en om Marlothpark. Dit is is naby die Malelane- en Krokodilbrughek vir 'n daguitstappie na die Krugerwildtuin. Drink 'n skemerkelkie of hou piekniek by een van die uitkykpunte langs die Krokodilrivier, of speel 'n potjie gholf by Komatipoort. Daar is heelwat restaurante en eetplekke in Marlothpark wat aanbeveel kan word. Boskombuis se melktert is 'n moet en in Marlothpark se "Bush"-sentrum geleë. Vir die meer avontuurlustige gaste is daar vierwielmotorfietse wat by hek gehuur kan word of jy kan jou fiets saambring en die roete langs die draad teen die Krokodilrivier gaan ry waar heelwat verrassings op jou wag.

Kry ’n Kwotasie

Resensies

4.9/ 5

Gebaseer op 66 resensies

Uitstekend

Netheid

4.9

Ligging

4.9

Waarde vir geld

4.8

Diens

5.0

Veiligheid

4.8

Gaste se hoogtepunte

Neill J

Saam met lewensmaat

5.0

Baie lekker. Dit was baie lekker, netjies en skoon. Die eienaar het ons heeltyd op hoogte gehou met diere by die rivier en met die loadshedding skedul...

Sien meer

Des 2023

Rosa J

Saam met lewensmaat

5.0

Wonderlik, asemrowend, uitstekend, lekker gerus. Vuurvliegie beeld nou so waar Julia se persoonlikheid en vriendelikheid uit, van begin van ons bespre...

Sien meer

Okt 2023

Hannah G

Saam met vriende

5.0

Amazing place! We had the best stay at Sonbesie and will definitely be back! The cabin is beautifully decorated and is neat and comfort...

Word in die oorspronklike taal vertoon.

Sien meer

Jul 2023

Yolande V

Saam met lewensmaat

5.0

Lieflike plek, baie gerieflik en netjies. Sal beslis weer gaan kuier, baie rustig, kuierarea 'n wenner. Sorg vir genoeg pellets vir die diere. Buitest...

Sien meer

Jul 2023

Kotie E

Gesin met klein kinders

5.0

Pragtige houthuis, goed toegerus en uitgelê. Om die plekkie te gebruik vir 'n oorslaap geleentheid na die volgende bestemming is heeltemal verkeerd.

Jun 2023

Sien al 66 resensies