Kuier was fantasties. In die natuur maar ook naby besigheidsentrum. 100% lekker gebly! Ideale plek vir wegbreek en rustig ontspan met natuurskoon rondom jou.

Fantastiese kuier in W21 Guest Rooms. Ons het ons verblyf (6 aande) in W21 Guest Rooms ongelooflik geniet. Die eenheid was uitsonderlik skoon met alles wat twee mense benodig, heerlike bed, yskas, waaier, ketel, gasstoof, mikrogolfoond, potte, panne, weber-braai op die stoep, WiFi, DStv en geen beurtkrag! Die uitsig van ons stoep oor die Grootbrakrivier is ongelooflik mooi, en ons het soms net vir ure gesit en die uitsig geniet. Japie het werklik uit sy pad gegaan om my verloofde met 'n gebreekte rug en voet te akkommodeer a.g.v. trappe af na die eenheid. Die huis is net 'n paar minute van restaurante, apteek en 'n supermark. Ons het ons verblyf ongelooflik baie geniet en kom verseker weer terug.

Kom ons stel dit so, ons gaan beslis terug! Ons het vreeslik lekker gebly en saam gekuier. Die foto's doen die blyplek nie regverdig nie. Die uitsig van die kamers is waarlik asemrowend.

Pragtige plek met ongelooflike uitsig! Japie het uit sy pad gegaan om dit so gerieflik moontlik vir ons te maak. Sy plek is mooi versorg en ons het elke oomblik geniet.

Het die verblyf baie geniet. Kan die verblyf met vrymoedigheid aanbeveel.

Pragtige uitsig en gerieflike kamers. Die uitsig is pragtig en die kamers was ruim en baie goed toegerus. Sal beslis aanbeveel.

Heel lekker gebly. Skoonmaakdiens sou waardeer word. Geen WiFi-opvangs in kamer nie. Verder heel lekker gebly.

Perfekte verblyf. Ons het heerlik in die dubbelkamer gebly. Die kamer was ruim, goed ingerig, skoon, gerieflik, smaakvol modern en privaat....wat meer wil 'n mens hê?! Pragtige uitsig oor die "brakke" en see. Dankie Japie!

Uitstekend luuks en modern. Pragtig geleë. Great uitsig. Baie rustige omgewing beslis die beste van die beste. Sal aanbeveel vir almal.

Fantastic accommodation. Perfect accommodation for a couple. Stairs to the unit might be a problem for elderly people.