Waboomhuys

Beskrywing

Waboomhuys is op De Pakhuys-plaas in die skilderagtige Agter-Pakhuisvallei, 26 km vanaf Clanwilliam op pad na die historiese Wupperthal-dorpie geleë. Die plaas word deur die Kruger- en Botha-families besit en bied gehalteverblyf wat ideaal is vir avontuur-entoesiaste en natuurliefhebbers.

Dié knus kothuis bied slaapplek aan 3 gaste en het 'n koninggrootte-bed en 'n enkelbed. Daar is 'n stort, wasbak en 'n toilet in die privaat badkamer. Linne en handdoeke word voorsien.

Die kombuis is met 'n yskas, mikrogolfoond, tweeplaatstoof, oond en alle ander nodige toebehore toegerus. Die ruim leefarea het 'n kaggel en lugversorging. Dit beskik oor 'n TV met plaaslike kanale en bied toegang tot DStv. Gaste kan hul eie dekodeerder en slimkaart saambring.

Buite is daar braaigeriewe en 'n gemeenskaplike swembad. Aktiwiteite in die area sluit rotsklim, voetslaan en bergfietsryroetes in. Besienswaardighede sluit San-rotskuns, ongelooflike Cederberg-rotsformasies, Wupperthal en die Biedouw-blomlande in blomseisoen in.