Warthog's Den

Selfsorg

Kapasiteit: 12 persone
Geen kinders onder 5
Inkloktyd: 14:00 tot 20:00
Uitkloktyd: 11:00
Adres: Karpsingel 451, Kranspoort Vakansiedorp, 1080, Mpumalanga
Vanaf R940 per nag, vir 2 mense

Beskrywing

Warthog's Den is in Kranspoort Vakansiedorp in die Loskopvallei se lieflike bosveld geleë. Dit is net 45 km noordoos van Middelburg langs die N11 in Mpumalanga.

Warthog's Den bied slaapplek aan 12 gaste en beskik oor 2 stylvolle gaste-eenhede, 1 gastekamer en 'n luukse safari-tent. Daar is tee- en koffiemaakgeriewe asook vars beskuit. Al die eenhede, die kamer en die tent het lugversorging.

Warthog's Den het 'n temperatuur-gereguleerde swembad wat geskik is vir die warmer maande. Warthog's Den beskik ook oor 'n boma-braai.

Kranspoort se ligging is ideaal vir natuurliefhebbers en avonturiers. Daar is verskeie wildsoorte op die plaas wat vrylik tussen die huise wei. Die plaas is 1000 ha groot en dit is veilig om te gaan stap en bergfietsry. Kranspoortdam is ideaal vir hengel op 'n vang-en-vrylaat-basis, maar gaste word gevra om bewus te wees van die krokodille.

Daar is meer as 230 voëlspesies in die omgewing, en 'n voëlskuilplek bied die ideale geleentheid vir voëlkyk en fotografie.

Kranspoort het 'n uitdagende 9 putjie-gholfbaan waar gholfdae en kompetisies gereeld gehou word, daarom is dit die beste om vroeg te bespreek.

Daar is baie restaurante in die omgewing.

Kry ’n Kwotasie