Waterford House

Selfsorg

Gratis kansellasie tot 24 uur voor jou verblyf!
Kapasiteit: 8 persone
Alle ouderdomme is welkom
Inkloktyd: 14:00 tot 22:00
Uitkloktyd: 10:00
Adres: Plot 252, The Clarens Golf and Leisure Estate, Clarens, 9707, Vrystaat
Tydelik onbeskikbaar

Beskrywing

Waterford House is in 'n stil enklawe op die Clarens Gholflandgoed met 'n 18 putjie-gholfbaan geleë.

Die huis beskik oor 4 en suite-slaapkamers, elkeen met sy eie ingang en privaat stoep. Daar is 2 slaapkamers met 'n koningingrootte-bed elk en 2 slaapkamers met 'n koninggrootte-bed elk. Die hoofslaapkamer het 'n en suite-badkamer met 'n bad en 'n stort. Daar is 'n en suite-badkamer met 'n stort en nog een met 'n bad. Al die kamers het ondervloerse verhitting vir die winter.

Die groot leefarea het 'n solderarea wat met spiraaltrappe bereik word. Die solderarea het 'n biblioteek en 'n studeerkamer. Daar is 'n aparte en gerieflike sitkamer met 'n plasma-TV met PVR, 'n DVD-speler en 'n etenstafel met sitplek vir 8 gaste. Die plaaskombuis is volledig toegerus met 'n gasstoof, elektriese oond, mikrogolfoond, skottelgoedwasser, wasmasjien en 'n tuimeldroër. Daar is ook 'n gastebadkamer.

Die leefarea bied toeagang tot 'n onderdakstoep met uitsigte op Mount Horeb. Daar is 'n groot houtkaggel in die sitkamer. Braaigeriewe is beskikbaar en daar is 2 onderdakparkeerplekke en ekstra parkeerplek op die perseel. Die huis is volledig ingerig en dit word daagliks skoongemaak, behalwe op Sondae.

Clarens bied 'n verskeidenheid restaurante, koffiewinkels, kunsgalerye en interessante winkels. Daar is ook lekker doendinge soos witwatervlotvaart, bergfiets- en 4x4-roetes, voetslaan, kunsvlieghengel, gholf en vierwielmotorfietsgeleenthede in die omgewing. Die omgewing bevat ook verskeie interessante historiese- en fossielterreine. Daar is ook spa-geriewe 'n paar kilometer buite Clarens vir diegene wat bietjie pamperlang nodig het.