Waterfront Home on the Quays

Selfsorg

Kapasiteit: 6 persone
Alle ouderdomme is welkom
Inkloktyd: 15:00 tot 18:00
Uitkloktyd: 10:00
Adres: Spinnakerrylaan, Knysna Quays, Knysna, 6571, Wes-Kaap
Vanaf R2 200 per nag (plek vir 6)

Beskrywing

Waterfront Home on the Quays is 'n selfsorgvakansiehuis in Knysna op die Tuinroete en is 'n uitstekende keuse vir vriende en familie wat op soek is na 'n ontspannende basis vanwaar hulle hierdie gewilde dorp kan verken.

Dié dubbelverdiepinghuis bied slaapplek aan 6 gaste en beskik oor 3 slaapkamers en 3 badkamers. Die eerste slaapkamer het 'n koningingrootte-bed en 'n en suite-badkamer met 'n stort, wasbak en 'n toilet. Die tweede slaapkamer het 2 enkelbeddens en die derde slaapkamer in die solderarea het 2 enkelbeddens. Die eerste, gedeelde badkamer het 'n stort-oor-bad, wasbak en 'n toilet. Die tweede badkamer het 'n toilet en 'n wasbak. Linne en handdoeke word voorsien.

Die kombuis is met 'n yskas-vrieskas, stoof, oond, mikrogolf, wasmasjien, skottelgoedwasser, eetgerei, breekware en tee- en koffiemaakgeriewe toegerus. Die sitarea het gemaklike rusbanke, 'n TV en 'n kaggel. WiFi is beskikbaar.

Verder is daar 'n onderdakstoep met 'n braai, 'n etenstafel, meubels en 'n uitsig oor die strandmeer. Die verblyf het 'n omsetter vir kragonderbrekings, direkte watertoegang en veilige parkeerplek op die perseel. Dit is ook naby plaaslike geriewe soos winkels en restaurante.

Kry ’n Kwotasie