Wavecrest Self Catering

Selfsorg

Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Olive-straat 3, Wavecrest, Jeffreysbaai, 6330, Oos-Kaap
Vanaf R5 000 per nag (plek vir 10)

Beskrywing

Wavecrest Self Catering is 'n selfsorgvakansiehuis in Wavecrest, Jeffreysbaai. Dit is ideaal vir groot gesinne of groepe vriende wat op soek is na 'n ontspanne kuswegbreek en spog met 'n pragtige see-uitsig.

Dié dubbelverdiepinghuis kan tot 10 gaste op 'n slag akkommodeer, met 4 slaapkamers, 3 badkamers en 'n gastetoilet. Die eerste en tweede slaapkamers het elkeen 'n dubbelbed en 'n en suite-badkamer met 'n stort. Die derde slaapkamer het 2 dubbelbeddens, terwyl die vierde slaapkamer 'n koninggrootte-bed het. Hierdie slaapkamers deel 'n badkamer met 'n bad en 'n stort.

Die oopplan-leefarea beskik oor 'n volledig toegeruste kombuis met 'n gasstoof, oond, mikrogolf, yskas-vrieskas, eetgerei en breekware, 'n ontbyt-eiland met stoele en 'n etenstafel met sitplek vir 12. 'n Aparte opwaskamer sluit 'n wasmasjien, tuimeldroër, skottelgoedwasser en dubbeldeur-yskas in. Die hoofsitkamer is ingerig met 'n gemaklike rusbank, perfek om te ontspan na 'n besige dag. Op die boonste vloer is daar 'n knus TV-kamer met DStv-kanale, baie boeke om te lees, en 'n binnebraai.

Gaste word voorsien van veilige parkeerplek op die perseel, asook 'n dubbeltoesluitmotorhuis. Die eiendom is binne 500 m van die strand af en gerieflik geleë binne stapafstand van die gholfbaan, restaurante en winkels.

Kry ’n Kwotasie