Welgedaan

Selfsorg

Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Newtonstraat 29, George-Suid, George, 6530, Wes-Kaap
Vanaf R5 100 per nag, vir 10 mense

Beskrywing

Welgedaan is sentraal geleë in George en bied luukse verblyf vir 'n gesin of 'n groep vriende. Dit is naby verskeie winkels, restaurante, die N2 en 'n verskeidenheid besienswaardighede.

Die huis het 3 slaapkamers en bied slaapplek vir 10 gaste. Die hoofslaapkamer het 'n dubbelbed en 'n en suite-badkamer met 'n stort, bad, toilet en wasbak. Die tweede en derde kamer het 'n koninggrootte-bed. Hierdie beddens kan op versoek in 2 enkelbeddens opgemaak word. Die tweede badkamer het 'n stort, bad, toilet en wasbak en daar is 'n aparte gastetoilet.

Daar is ook 2 enkelslaapbanke en 'n dubbelslaapbank wat wat in die onthaal-area is. Daar is ook 'n kot.

Die kombuis is toegerus met 'n gasstoof, oond, yskas-vrieskas, mikrogolfoond, tee- en koffiemaakgeriewe, eetgerei en breekware.

Die leefarea het gemaklike banke, 'n TV met volledige DStv en 'n eetarea met ruim sitplek. Daar is ook 'n binnebraai en kroeg. Gaste het toegang tot gratis WiFi.

Daar is lieflike braaigeriewe, 'n Jacuzzi, pizza-oond, 'n dubbeldeur yskas en vrieskas.

Die eiendom het 'n pragtige dek met 'n koi-dam, waterval, gasbraai, ontbytbraai en ysmasjien.
Daar is veiligheidshekke voor die dekke, tussen die leefareas en by die voordeur. Die huis het hoë mure, 'n elektriese hek, CCTV en 'n alarm gekoppel aan die ADT-sekuriteitstelsel. Die huis is in 'n baie stil straat geleë waar die buurtwag baie aktief is.

Die verblyf bied asemrowende uitsigte op die Outeniquaberge.

George is die middelpunt van die Tuinroete wat dit maklik maak om elke dag nuwe plekke te verken. Die naaste strand is slegs tien minute se ry as gaste wil afkoel.

Kry ’n Kwotasie