Weltevreden Game Lodge

Wildsplaas

Kapasiteit: 30 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Weltevreden Plaas 243, Glen-distrik, Bloemfontein, 9302, Vrystaat
Vanaf R1 100 per nag, vir 2 mense

Beskrywing

Weltevreden Game Lodge is slegs 25 km vanaf Bloemfontein, op die oewer van die Modderrivier geleë. Dit is die ideale plek vir rustige wegbreek ver die stadsgewoel, vir korporatiewe funksies, spanbou-wegbreke en intieme troues. Daar is nie 'n restaurant, kroeg of winkel nie, maar alle spyseniering en koördinering kan gereël word.

Verblyf word in chalets of cabanas aangebied. Elke chalet het slaapplek vir 4 volwassenes of 2 volwassenes en 2 kinders. Die suites beskik elkeen oor 2 slaapkamers met 'n koninggrootte-bed of 2 enkelbeddens in die hoofslaapkamer en daar is 2 enkelbeddens in the solderkamer. Elke chalet het 'n kombuisie met 'n yskassie, ketel, mikrogolfoond, broodrooster, elektriese braaipan en basiese eetgerei en breekware. Daar is ook potte en panne wat vooraf bespreek moet word.

Die cabanas is meer geskik vir oornagverblyf en bied slaapplek aan 2 volwassenes op 'n koninggrootte-bed en 2 kinders onder die ouderdom van 12 op 'n slaapbank. Hierdie oopplan-eenhede het elk 'n kombuisie met 'n yskassie, 'n mikrogolf en basiese eetgerei en breekware.

Alle eenhede het braaigeriewe. Gaste moet onthou om hulle eie hout- en vuuraanstekers saam te bring.

Aktiwiteite sluit wildritte, voëlkyk, visvang, gholf, pieknieks en skemerkelkies op die dek met 'n uitsig oor die rivier of by die uitkykpunt in.

Kry ’n Kwotasie