Weltevreden Game Lodge

Wildsplaas

Kapasiteit: 30 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Weltevreden Plaas 243, Glen-distrik, Bloemfontein, 9302, Vrystaat
Vanaf R1 100 per nag, vir 2 mense

Beskrywing

Weltevreden Game Lodge is net 25 km vanaf Bloemfontein, op die oewer van die Modderrivier geleë. Ideale ligging vir 'n rustige wegbreek van die daaglikse gewoel, of vir korporatiewe funksies, spanbou en intieme troues. Ons het geen restaurant/kroeg of winkel nie, maar alle spyseniering en koördinering kan gereël word met ons venue huur opsies vir groepe.

Verblyf word aangebied in chalets of cabanas.

Ons chalets kan elk 4 volwassenes of 2 volwassenes en 2 kinders akkommodeer. Hulle beskik oor 2 slaapkamers met koninggrootte- of enkelbeddens in die hoofslaapkamer en 2 enkelbeddens in die solderkamer bo. Elke chalet het 'n kombuisie wat toegerus is met 'n yskassie, ketel, mikrogolf, broodrooster, elektriese braaipan en basiese eetgerei en breekware wat benodig word. Daar is ook potte in panne wat vooraf bespreek moet word.

Ons cabanas is meer geskik vir 'n oornagverblyf en kan 2 volwassenes op 'n koninggrootte-bed en 2 kinders onder die ouderdom van 12 op 'n slaapbank akkommodeer. Hierdie oopplan-eenhede het 'n kombuisie wat toegerus is met 'n yskassie, mikrogolf en basiese breekware en eetgerei.

Alle eenhede het braaigeriewe, onthou asseblief om jou eie hout en vuuraanstekers saam te bring.

Doendinge sluit wildritte en voëlkyk, visvang, hol-in-een gholf, pieknieks en sonsondergange in op die dek wat oor die rivier uitkyk, of by uitkykpunt.

Kry ’n Kwotasie