Weskus Bokkompie

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Waterkant-straat 8, Velddrif, 7365, Wes-Kaap
Vanaf R3 626 per nag (plek vir 6)

Beskrywing

Weskus Bokkompie is 'n bekoorlike selfsorg-vakansiehuis in Velddrif wat perfek bo die bekende Bokkomlaan geleë is. Hierdie area bied 'n lewendige atmosfeer vir kuier en visvang gedurende naweke en vakansies.

Dié huis bied slaapplek aan 6 gaste en beskik oor 3 slaapkamers en 2 badkamers. Elke slaapkamer het 'n dubbelbed, bedkassies, lampe en 'n spieëltafel. Die eerste badkamer het 'n stort, toilet en 'n wasbak, terwyl die tweede badlkamer 'n bad, toilet en 'n wasbak het. Linne en badhanddoeke word voorsien.

Die kombuis is met 'n gasstoof, oond, mikrogolfoond, ketel, broodrooster, eetgerei, breekware, yskas-vrieskas, skottelgoedwasser en 'n wasmasjien toegerus. Die oopplan-leefarea beskik oor 'n gemaklike sitarea met 'n slim-TV, WiFi, 'n etenstafel met sitplek vir 8 en 'n binnebraai.

Die huis lei na 'n onderdakstoep met sitplek, 'n ingeboude braai en 'n houtvuurswembad. Verder is daar 'n veranda wat om die huis strek, geplaveide paadjies en 'n groot tuin met 'n hangstoel. Die verblyf bied genoeg ruimte vir voertuie, 'n boot en parkeerplek vir 'n sleepwa. Troeteldiere is welkom. Alle vensters het hortjies en die hoofdeure het Trellidoors vir ekstra sekuriteit en om vars lug deur te laat.

'n Privaat hek bied direkte toegang tot die water, perfek vir visvang, staproetes langs die rivier of om die area te verken. Winkels, restaurante en vars bokkoms van plaaslike vissermanne is stapafstand vanaf hierdie huis.

Kry ’n Kwotasie