West Coast Blouberg Pearl

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Clam-weg 18, Bloubergstrand, 7441, Wes-Kaap
Vanaf R3 400 per nag (plek vir 6)

Beskrywing

West Coast Blouberg Pearl is 'n lieflike selfsorgwoonstel in 'n veilige kompleks in die hartjie van Bloubergstrand, Kaapstad. Dit is 'n ideale opsie vir óf 'n gesin óf 'n groep vriende wat die pragtige Moederstad wil verken en binne maklike bereik van talle besienswaardighede en doendinge is.

Dié woonstel bied gerieflike slaapplek vir 6 gaste op 'n slag en beskik oor 3 slaapkamers en 2 badkamers. Al 3 slaapkamers is ingerig met 'n dubbelbed; net die hoofslaapkamer het egter see-uitsigte. 'n Stort is beskikbaar in die eerste badkamer, terwyl die tweede badkamer toegerus is met 'n stort-oor-bad. Alle linne en badhanddoeke word voorsien.

Die oopplan-leefarea beskik oor 'n stylvolle kombuis wat volledig toegerus is met 'n stoof, oond, mikrogolf, yskas-vrieskas, eetgerei en breekware asook tee- en koffiemaakgeriewe. Van die kombuis af lei 'n sitkamer met gemaklike sitplek en 'n platskerm-TV. Toegang tot gratis WiFi is beskikbaar. Boonop is daar 'n ontbytkroeg en 'n etenstafel waar gaste hul maaltye saam kan geniet.

Hierdie leefarea maak oop op 'n balkon wat 'n ideale plek is vir 'n oggendkoffie terwyl jy die uitsigte oor die see en die ikoniese Tafelberg bewonder. Gaste kan afkoel in die kompleks se gemeenskaplike swembad wat ideaal kan wees vir daardie warm somersdae. Die ligging van hierdie kompleks is net oorkant die gewilde Blouberg-strand wat bekend is vir vlieërbranderry en ander watersporte en doendinge.

Kry ’n Kwotasie