White Sparrow Villa

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: Sparrowweg 530, Marlothpark, 1321, Mpumalanga
Vanaf R1 300 per nag (plek vir 6)

Beskrywing

White Sparrow Villa is 'n selfsorghuis in 'n stil doodloopstraat in Marlothpark. Die huis grens aan parke en is reg langs die pragtige Krugerwildtuin geleë.

Die huis bied slaapplek aan 6 gaste en beskik oor 3 slaapkamers met en suite-badkamers. Die hoofslaapkamer het 'n koninggrootte-bed en 'n en suite-badkamer met 'n bad, toilet en 'n wasbak, asook 'n buitestort. Die tweede en derde slaapkamer het elk 'n koningingrootte-bed en 'n en suite-badkamer met 'n stort, toilet en 'n wasbak. Al die slaapkamers het lugversorging en gehaltebeddegoed en -badhanddoeke.

Die kombuis is met 'n stoof, oond, yskas-vrieskas, skottelgoedwasser, wasmasjien, mikrogolfoond, eetgerei en breekware toegerus. Die leefarea het 'n etenstafel, gemaklike sitplek en 'n TV met 'n rits stroomdienste, insluitend Netflix, Disney+, Showmax, YouTube en Amazon Prime. Bordspeletjies en WiFi is ook beskikbaar.

Buite is daar 'n privaat swembad, 'n stoep met sitplek, 'n Weber-braai, 'n missproei-stelsel vir warm dae en parkeerplek op die perseel. Marlothpark bied talle aktiwiteite insluitend bergfietsry, spa-behandelings, voëlkyk, wildritte, restaurante en winkelsentrums.

Kry ’n Kwotasie