Wildehondekloof

Wildsplaas

Soos Gesien op Facebook
Kapasiteit: 24 persone
Alle ouderdomme is welkom
Inkloktyd: 14:00 tot 18:00
Uitkloktyd: 11:00
Adres: Matjiesrivier Distrik, Oudtshoorn, 6620, Wes-Kaap
Vanaf R3 800 per nag (plek vir 6)
TGCSA-gradering:

Beskrywing

Wildehondekloof bied gerieflike verblyf op 'n privaat wildreservaat van 4000 hektaar in die hartjie van die Klein-Karoo se Swartberge. Dié wildreservaat is ongeveer 46,5 km vanaf Oudtshoorn.

Dié luukse lodge bied verblyf in 9 en suite-slaapkamers, waarvan sommige lugversorging en lieflike uitsigte op die berg en oor die rivier het, 'n selfsorghuis, asook 'n privaat presidensiële suite met 'n koninggrootte-bed. Dié suite het ook 'n privaat stoep met 'n uitsig op die berge en oor die rivier. Elk van die 9 en suite-slaapkamers het linne, badhanddoeke, toiletware en koffie- en teemaakgeriewe. Wasgoedgeriewe en gratis WiFi is ook beskikbaar. Die selfsorghuis beskik oor 3 slaapkamers en 2 badkamers.

Die dubbelkant-kaggel in die middel van die ruim, gemeenskaplike sitkamer nooi gaste uit om lekker saam met vriende en familie te ontspan. Die binnenshuise eetarea het 'n binnebraai, 'n geelhoutkroeg met yskassies onder die toonbank en 'n ysmasjien. Buite is daar 'n tradisionele pizza-oond en 'n boma tussen die populierbome. Hout en vuuraanstekers word vir die braai, kaggel, pizza-oond en boma voorsien.

Geniet wildritte met sonsopkoms en sonsondergang, en kyk uit vir die kameelperde, sebras, swartwitpense, elande, koedoes en die diverse voëllewe. Ander aktiwiteite in die omgewing sluit voetslaan, bergfietsry en swem in.

Wildehondekloof is die ideale bestemming vir 'n privaat konferensie.

Kry ’n Kwotasie