Willows Curve

Selfsorg

Gratis kansellasie tot 24 uur voor jou verblyf!
Kapasiteit: 6 persone
Geen kinders
Inkloktyd: 14:00 tot 21:00
Uitkloktyd: 10:00
Adres: Erica-laan 1, Westridge, Somerset-Wes, 7130, Wes-Kaap
Vanaf R800 per nag, vir 2 mense

Beskrywing

Willows Curve is 3 selfsorg-ateljeekothuis wat op die draai van Erica-laan en Willow-singel in Somerset-Wes geleë is. Dit is slegs 3 minute se ry vanaf 'n lieflike parkie en Somerset-Wes Gholfklub met sy muurbalbane, tennisbane en rolbalveld.

Die oopplan-studiokothuise bied elkeen toegang tot 'n privaat binnehof met braaigeriewe en 'n buite eetarea. Die kothuise is elkeen ingerig met 'n koninggrootte-bed, 'n badkamer met 'n stort en 'n klein sitarea met 'n TV en DStv. Daar is ook 'n kombuisie wat toegerus is met 'n yskassie, 'n mikrogolfoond en tee- en koffiemaakgeriewe. Die kothuis het WiFi en gaste het toegang tot veilige parkeerplek.

Gaste kan die pragtige Helderberg-streek, bestaande uit die Strand, Somerset-Wes, Gordonsbaai en die omliggende gebied, verken. Die Strand se lang swemstrand is net 6 km van Willows Curve af en strek vanaf Macassar al die pad tot by Gordonsbaai aan die voorheuwels van die Hottentots-Hollandberge. Die perseel is ook 'n gemaklike afstand vanaf Somerset Mall en ander geriewe en besienswaardighede in die omgewing soos Morgenster Wine and Olive Estate, Lourensford-mark en die Helderberg-natuurreservaat.

Kry ’n Kwotasie