Windsor House

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Eagleslaan 11, Blue Crane Village, Dullstroom, 1110, Mpumalanga
Vanaf R6 000 per nag (plek vir 8)

Beskrywing

Windsor House is 'n bekoorlike selfsorg-vakansiehuis in die hartjie van Dullstroom, Mpumalanga. Dit is perfek vir 'n gesellige gesinsvakansie in hierdie rustige vakansiedorp.

Dié ruim huis bied slaapplek aan 8 gaste en beskik oor 4 slaapkamers, 3 badkamers, 'n kombuis en 2 leefareas. Die hoofslaapkamer het 'n koninggrootte-bed en 'n en suite-badkamer met 'n bad, stort, toilet en 'n wasbak. Die ander 3 slaapkamers het 'n koningingrootte-bed. Die vierde slaapkamer se en suite-badkamer en die derde badkamer het elk 'n stort, toilet en 'n wasbak. Twee slaapkamers is op die boonste verdieping op die solderarea met 'n sitkamerstel en 'n platskerm-TV. Die ander twee slaapkamers is op die onderste verdieping.

Die oopplan-kombuis is met 'n yskas-vrieskas, stoof, oond, mikrogolfoond, broodrooster, basiese eetgerei en breekware, asook koffie- en teemaakgeriewe toegerus. Die opwaskamer het 'n skottelgoedwasser. Daar is 'n etenstafel met stoele en die leefarea het 'n sitkamerstel en 'n kaggel. Die stoep het buitemeubels en 'n buitebraai-area en met 'n uitsig oor die tuin. Veilige parkeerplek is op die perseel beskikbaar.

Kry ’n Kwotasie