Oornag. Ons is vriendelik ontvang en het heerlik oornag op die plaas. Alles wat ons nodig gehad het vir ons verblyf, was daar.

Uitstekend. Baie oulike plekkie, mooi omgewing. Netjies en skoon. Baie gasvry.

Alles wat nodig was. Lekker tuis gevoel. Dit was 'n lafenis na 'n week in die Kalahari. Het veral die oproep waardeer toe ek ietwat na donker nog op pad was.

Aangename oornag fasiliteit. Heerlike plaas atmosfeer. Netjies en skoon blyplek. Vriendelike gasvrou. Kamer goed toegerus.

Baie rustige plaasgevoel. Sal definitief weer daar oorbly.

Lekker ontspan op die plaas. Pragtige huis met lekker stoep vir braai.

Puik oornag bestemming. Baie netjies. Privaat. Karoo aand op sy beste: braaivleis vuur, stilte, sterre, uitstekende ligging, hartlike en vriendelike mense.

Baie aangename verblyf met genoeg spasie en keurig versier. Windsor is 'n heerlike oorslaapplek. Ons het al die klein ekstras byvoorbeeld melk, beskuit, 'n bakkie gedroogde worsies en selfs 'n houer met klaar uitgehaalde ysblokkies baie waardeer. Dankie vir die aangename verblyf waar ons definitief weer van gebruik sal maak.

Rustigheid naby Victoria-Wes. Baie vriendelike ontvangs! Slaapplek is gemaklik. Pragtige sterresig! Naambordjie kan dalk groter wees, was moeilik om raak te lees, ons het eers verbygery. Stort en toilette het nie deure op nie en die stort se waterdruk was laag. Ons het die privaatheid en rustige atmosfeer geniet. Na 'n lang dag se reis was dit net die plek om te kon kom rus.

Stil en kon uitrus. Die toilet nie privaat genoeg. Stort kort 'n houer waarin eie seep/haarroom geplaas kan word om makliker te kan stort. Stort kort 'n matjie - tans klim jy uit stort en trap op rou sementvloer.