Beskrywing

Winelands Gateway is 'n selfsorgwoonstel op die eienaar se perseel in Kuilsrivier, Kaapstad. Die perseel is 15 tot 20 km van Durbanville se wynplase en die Kaapse Wynlandstreek af.

Die woonstel is vas aan die hoofhuis en gaste het nie 'n privaat ingang nie. Die woonstel beskik oor 2 slaapkamers en 1 badkamer. Die hoofslaapkamer het 'n dubbelbed en die tweede slaapkamer het 2 enkelbeddens. Gaste in hierdie 2 kamers deel 'n badkamer met 'n stort, bad, wasbak en 'n toilet.

Die woonstel het 'n oopplan-kombuis met 'n yskas, mikrogolf, stoof en ingeboude kaste. Die bestuurder kan ook maaltye bestel vir gaste wat nie lus is om te kook nie. Daar is gratis WiFi en 'n TV met sekere DStv-kanale.

Die perseel is net 'n entjie se ry vanaf winkelsentrums, restaurante en sowat 20 km vanaf Kaapstad Internasionale Lughawe.