Beskrywing

Winelands Gateway is 'n selfsorgwoonstel wat op die eienaar se eiendom in Kuilsriver, Kaapstad geleë is. Die eiendom is ideaal geleë 15 tot 20 km vanaf die Durbanville Wynlande en die Kaapse Wynlandstreek.

Hierdie woonstel is verbonde aan die hoofhuis en gaste het nie 'n privaat ingang nie. Die woonstel bestaan uit 2 slaapkamers en 1 badkamer. Die hoofslaapkamer is ingerig met 'n dubbelbed, en die tweede slaapkamer het 2 enkelbeddens. Hierdie 2 kamers deel 'n badkamer met 'n stort en bad, 'n wasbak en 'n toilet.

Die woonstel het 'n goed toegeruste oopplan-kombuis met 'n yskas, 'n mikrogolfoond, 'n stoof en ingeboude kaste. Die gasheer kan ook maaltye bestel vir gaste wat nie lus is om te kook nie. Gaste het toegang tot gratis WiFi en 'n TV met DStv-kanale.

Die eiendom is 'n kort entjie se ry vanaf winkelsentrums, restaurante en sowat 20 km vanaf Kaapstad Internasionale Lughawe.