Beskrywing

Wings Self-catering Apartment is gefokus op eko-vriendelike en volhoubare toerisme, en is in die rustige dorpie Suiderstrand geleë, ’n unieke plekkie by Agulhas Nasionale Park en Atlantiese Oseaan, naby die mees suidelike punt van Afrika. Die woonstel is in 'n area met 'n ryk voëllewe en net naby die see, voetslaanroetes en bergfietsryroetes.

Die woonstel bied slaapplek aan 4 gaste en het 2 slaapkamers, 2 badkamers en ’n oopplan-kombuis en -leefarea. Die hoofslaapkamer het ’n dubbelbed en ’n en suite-badkamer met ’n bad en stort, toilet en wasbak. Die tweede kamer het 2 enkelbeddens en ’n en suite-badkamer met ’n stort, toilet en wasbak. Gaste moet asb. hul eie strandhanddoeke saambring.

Die kombuis is volledig toegerus vir selfsorg met ’n gasstoof, elektriese oond, yskas-vrieskas, mikrogolfoond, eetgerei en breekware. Daar is ook ’n skottelgoedwasser en wasmasjien. Die eetarea het ’n ontbytkroeg met stoele en die sitarea het ’n gemaklike sitstel en platskerm-TV teen die muur met sekere OVHD-kanale. Gaste is welkom om hul eie DStv-dekodeerder en slimkaart saam te bring. Die eiendom het ook 'n sonkragrugsteunstelsel.

Wings se voordeur front oos en dit bied ’n idilliese uitsig waar jy die maan agter die kalkklip-heuwels kan sien opkom. As jy gelukkig is, kan jy ook die geroep van die arend-uil, rooiwangnaguil of selfs die nagreier hoor soos wat hulle hul nes verlaat om kos te gaan kry. Op donker aande is die sterre só helder dat dit lyk asof jy aan die Suiderkruis en Melkweg kan raak.

Die eko-vriendelike volhoubare toerisme-fokus sluit aktiwiteite in soos reënwater opvang, gebruik van gryswater in die tuin, herwinning van plastiek, glas, papier en karton en sonkrag word nou as die primêre elektrisiteitsbron gebruik.