Woodside Game Lodge

Wildsplaas

Kapasiteit: 16 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Woodside-plaas, Mareetsane, Mafikeng, 2745, Noordwes
Vanaf R1 520 per nag, vir 2 mense

Beskrywing

Woodside Game Lodge is 'n privaat wildsplaas 8,5 km vanaf Mareetsane in Noordwes. Die plaas is 1300 ha groot en die tuiste van 'n groot verskeidenheid wildspesies. Die lodge bied verblyf in 'n bosveld-omgewing en dis ideaal vir 'n welverdiende wegbreek.

Verblyf word in 4 hout-chalets met grasdakke en privaat badkamers en 4 luukse tent-chalets op houtdekke vir 'n egte bosveld-atmosfeer gebied.

Die hooflodge, wat 'n sitkamer 'n TV met sekere DStv-kanale, 'n kroeg en 'n eetarea insluit, spog met ruwe hout-afwerkings en 'n tikkie luuksheid. Die hooflodge lei na 'n houtdek met 'n gemeenskaplike swembad.

Die lodge bied informele wildritte in 4x4-voertuie sodat gaste die sonsopkoms of sonsondergang kan geniet. Skemerkelkies of 'n oggend-koffiestop onder die kameeldoringboom is 'n opsionele ekstra. Daar is verskeie uitkykpunte en watergate op die plaas vir wildkykgeleenthede. Koedoes, wildebeeste, sebras, njalas, blesbokke, impalas, duikers en tarentale is op te plaas te sien.

Die lodge bied verskeie geriewe aan individue en korporatiewe funksies, so dis die ideale funksielokaal vir partytjies, jaareindfunksies, konferensies, spanbousessies, werkswinkels en troues.

Woodside het ook 'n rugsteunkragstelsel om die impak van beurtkrag te verminder.

Kry ’n Kwotasie