Xanadu Penthouse Villa

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Seacliff-weg 2A, Bantrybaai, Kaapstad, 8005, Wes-Kaap
Vanaf R20 000 per nag (plek vir 6)

Beskrywing

Xanadu Penthouse Villa is 'n moderne en stylvolle villa wat selfsorgverblyf in Bantrybaai, 'n luukse voorstad van Kaapstad, bied. Die veelvlakkige villa spog met asemrowende uitsigte oor Leeukop en die Atlantiese Oseaan vanaf elke verdieping.

Hierdie elegante, volledig gemeubileerde villa het slaapplek vir 6 gaste en bestaan uit 3 en suite-slaapkamers. Die hoofslaapkamer is ingerig met 'n koninggrootte-bed en sy en suite-badkamer het 'n bad en stort. Daar is 'n koninggrootte-bed in die tweede slaapkamer, terwyl die derde slaapkamer 'n dubbelbed het. Hierdie slaapkamers het albei 'n en suite-badkamer met 'n stort.

Die helder en moderne kombuis is volledig toegerus met 'n yskas-vrieskas, stoof, oond, mikrogolfoond en koffiemasjien. 'n Ontbyttoonbank met kroegstoele is ook in die kombuis beskikbaar. Die leefarea met lugversorging beskik oor 'n gehalte-sitkamerstel sowel as 'n TV, en dit maak oop op 'n balkon met 'n buite-eetarea waar gaste buite-etes met 'n lieflike see-uitsig kan geniet.

Die villa spog met 'n vermaakarea op die dak met asemrowende uitsigte oor Leeukop en die see. Dié area beskik oor 'n swembad, gasbraaigeriewe, 'n buite-eetarea en oorgenoeg sitplek. Elke vlak, insluitend die ondergrondse vlak, is toeganklik met 'n hysbak. Parkeerplek op die perseel word voorsien vir 2 voertuie, en die villa het 'n omskakelaarstelsel tydens kragonderbrekings.

Met sy sentrale ligging aan die Atlantiese kus bied die eiendom maklike toegang tot gewilde strande, die middestad, V&A Waterfront, en ander groot besienswaardighede in Kaapstad.

Kry ’n Kwotasie