Perfekte plek vir 'n wegbreek van die stad se gejaag! Die Boshuis is pragtig. Die ligging is perfek. Ons het elke oggend en laatmiddag sommer van die stoep af diere gekyk. Daar is ook baie om te doen in die omgewing. Pieter en sy span het baie mooi na ons gekyk. Ons beveel ook Lazy River Pub aan vir koue bier en heerlike kos.

Oase om moeg batterye te herlaai. Ys Bos Hys is voorwaar ruim, gerieflik en 'n oase waar mens moeg batterye kan herlaai. Peter en sy personeel is baie vriendelik en behulpsaam. Die bedagsaamheid om daar hout, charcoal en ys te kan koop, word waardeer. Dit is my 2de keer wat ek daar bly, en voorwaar nie my laaste. Dis heerlik om vroegoggend buite in die tuin koffie te drink en die pragtige voëlgeluide te hoor. En saans vermaak die paddakoor mens. Die plek is pragtig versorg, huis is bitter skoon en netjies met top kwaliteit linne. Sien uit na my volgende kuier.

Fantastic. Was wonderful, we enjoyed it very much.

Die mak voëls en rustige omgewing is fantasties. Dit was 'n fees om daar oor te slaap! Ek sal dit beslis aanbeveel.

Heerlik altyd fantasties. Sien sterre.

5-ster bos ervaring. Ek wil graag my opregte dank betuig vir die wonderlike ervaring wat ons by julle gehad het. Ons hele ervaring was absoluut fantasties gewees. YS Bos Hys is regtig 'n oase van rus en vrede. Die huis is pragtig skoon en die beddens is ongelooflik gemaklik, wat bygedra het tot ons heerlike nagrus. Ek gee vir YS Bos Hys 'n 10 uit 10 – dit oortref baie vyfster lodges wat ek al ervaar het. Die gras is pragtig groen en ek het geniet om vroeë oggende op die stoep deur te bring en te kyk na al die verskeie voëls. Saans het ons om die vuur gesit en geluister na die naggeluide – dit was net magies. Die atmosfeer is regtig ontspannend. As jy nie lus is om te ry nie, kan jy eenvoudig onder die bome sit en kyk na die diere wat verby beweeg. Ek sien uit daarna om in die somer weer te gaan kuier en die pragtige swembad te geniet. Baie dankie aan YS Collection dat julle julle stukkie paradys met ons gedeel het. Ons sal hierdie herinneringe koester en sien uit daarna om weer te kom.

Dit was lekker, rustig en ontspannend. Die plek is netjies en alles is daar. Fantasties, geen tekortkominge nie.

Wonderlike naweek weg! Dit was 'n wonderlike naweek in die natuur. Die swembad is 'n bonus vir my seun. Dit was wonderlik om wild so naby aan die huis te sien. Die huis se kamers is ruim en die beddegoed is so gemaklik! Die kombuis het alles wat jy benodig. Die diens was regtig baie goed! Ons sal weer terug wees.

Lekker plek. Baie netjies en gerieflike verblyf.

Wonderlike verblyf. Ons het die rustigheid so baie geniet. Die verblyf is 5-ster en ons sal beslis weer daarheen gaan. Ons het so baie diere gesien reg van die stoep af.