Yzer Escape

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Carter-straat 3 J, Yzerfontein, 7351, Wes-Kaap
Vanaf R6 500 per nag (plek vir 8)

Beskrywing

Yzer Escape is 'n dubbelverdieping-vakansiehuis wat 100 m van Yzerfonteinstrand af is. Die eenheid het 'n sonkragstelsel wat die impak van beurtkrag verminder. Die Darling-gholfklub is 26 km van die vakansiehuis af, terwyl Tienie Versveld-reservaat 30 km weg is. Daar is ook 'n nasionale park, 'n natuurreservaat, die !Khwa ttu San kulturele sentrum in die omgewing.

Dié vakansiehuis bied slaapplek aan 8 gaste en beskik oor 4 slaapkamers, 4 badkamers, 'n kombuis en 'n leefarea. Die eerste en tweede slaapkamer het elk 'n koninggrootte-bed en die derde en vierde slaapkamers het elkeen 'n koningingrootte-bed. Die koninggrootte-beddens kan omskep word in 4 enkelbeddens. Daar is drie badkamers met 'n stort en die vierde badkamer het 'n bad en stort.

Die oopplan-kombuis is met 'n yskas-vrieskas, gasstoof, oond, mikrogolf, broodrooster, basiese eetgerei en breekware, asook tee- en koffiemaakgeriewe toegerus. Die opwaskamer het 'n skottelgoedwasser, 'n wasmasjien en 'n tuimeldroër en yskas-vrieskaste. Daar is ook 'n ontbythoekie met stoeltjies.

Die eerste leefarea op die boonste verdieping het 'n etenstafel met sitplek vir 8, 'n sytafel, 2 leer rusbanke, 2 gemakstoele, 'n Ottoman en 'n kaggel (stofie). Die konsertina skuifdeure lei uit die leefarea na 'n groot balkon met buitemeubels en braaigeriewe. Die tweede leefarea het 'n sitkamerstel, pooltafel, veerpyltjiebord en 'n foosball-tafel. Daar is ook 'n lyfplank en 'n rugbybal vir strandspeletjies. Daar is ook 'n platskerm-TV met DStv. Gratis WiFi is ook beskikbaar. Gaste kan in die kuierarea wat 'n etenstafel met stoele en braaigeriewe het, ontspan. Veilige parkeerplek is op die perseel beskikbaar.

Die onderste verdieping van die vakansiehuis wat die motorhuis insluit, word nie verhuur nie. Die kantoor word daagliks as prokureurskantoor gebruik. Die bestuurder woon in die aparte privaat eenheid wat agter die motorhuis is sonder om enigsens inbreuk te maak op die privaatheid van die gaste in die vakansiehuis.

Kry ’n Kwotasie