Zwana Nathi

Selfsorg

Gratis kansellasie tot 24 uur voor jou verblyf!
Kapasiteit: 6 persone
Alle ouderdomme is welkom
Inkloktyd: 14:00 tot 23:00
Uitkloktyd: 10:00
Adres: Luislanglaan 1500, Marlothpark, 1321, Mpumalanga
Vanaf R1 400 per nag (plek vir 6)

Beskrywing

Zwana Nathi is dubbelverdiepingkothuis met 'n grasdak en is vir selfsorg toegerus. Die eenheid is in Marlothpark, net 24 km vanaf die Krugerwildtuin se Krokodilbrug-hek af. Zwana Nathi is op die grens van die wildtuin en bied totale privaatheid en 'n egte bos-ervaring met talle viervoetige besoekers.

Die verblyf beskik oor 2 slaapkamers, 'n solderkamer, 2 badkamers, 'n buitestort met koue water) 'n formele oopplan-sitkamer en eetarea. Die eenheid is geskik vir 6 gaste. Beide slaapkamers is op die grondverdieping en het elk 'n dubbelbed en lugversorging. Die solderkamer het 2 enkelbeddens met 'n industriële plafonwaaier en 2 losstaande waaiers. Albei badkamers het 'n stort, wasbak en 'n toilet. Alle linne en badhanddoeke word voorsien, maar gaste moet hul eie swemhanddoeke saambring.

Die kombuis is met 'n yskas-vrieskas, skottelgoedwasser, mikrogolf, tweeplaatgasstoof met geen oond, 'n ketel, broodrooster, eetgerei en breekware toegerus. Die eenheid het onbeperkte WiFi, My Family Cinema en Netflix. Gaste kan hul eie DStv-intekenbesonderhede op die DStv Now App gebruik.

Zwana Nathi het onbeperkte WiFi, My Family Cinema en Netflix. Gaste kan hul eie intekenbesonderhede gebruik om toegang tot die DStv Stream app te kry.

Daar is 2 ontspanningsareas met uitsigte oor die bostuin en park, wat besonderse sonsondergange bied. Die eerste ontspanningsarea grens aan die solderkamer en die ander is op die grondverdieping en lei vanaf die sitkamer. Gaste kan aan die kant van die huis op die dek langs die plonspoel ontspan en snags na die dieregeluide luister terwyl daar rondom die versonke vuurput in die ingeboude boma gekuier word.

Die perseel het 'n alarmstelsel en 'n paniekknoppie wat verbind is aan die plaaslike sekursiteitsmaatskappy en hulle gewapende reaksie. Daar is ook diefwering en veiligheidshekke.

Die kothuis het ook sonpanele, 'n omsetter en 'n rugsteunbatterystelsel sodat gaste nie deur beurtkrag geaffekteer word nie. 'n Jojo-tenk is ook vir ekstra water beskikbaar.

Daar is gereeld wild soos kameelperde, sebras, vlakvarke, koedoes, duikers en wildebeeste in die omtrek, asook verskeie voëlspesies en nagapies. Diere kom suip ook gereeld water uit die swembad.

Marloth spog met verskeie restaurante, voelkykgeleenthede, 2 supermarkte, 'n tuisnywerheid, drankwinkels en 2 slaghuise. Daar is ook 'n waterpark en 'n putt-puttbaan waar kinders kan speel.

Kry ’n Kwotasie