Onverbeterlik. Vreeslik dankie vir 'n onverbeterlike ervaring! Nie net was die kamers luuks nie, die kombuis was ten volle toegerus. Johanna was 'n ster. Die swembad was heerlik. Braai area was net perfek. Sal beslis weer gaan. Die lodge het my verwagtinge oortref.

Rustige bos vakansie. Dit was vreeslik lekker. 3 gesinne met tiener kinders. Ons tweede keer daar en elke keer 'n fees.

Pragtige lodge, lekker kuierplek, netjies en skoon. Vanaf aankoms was als skoon, huis ruik lekker. Als wat jy kan nodig kry, is daar. Wild loop vrylik rond en is baie mak. Heerlike kuierplek saam met vriende en familie.

Wow! Net wow! Ons was 4 gesinne met tieners! Wat 'n ongelooflike wegbreek. Skoon, netjies, groot genoeg, oorgenoeg slaapplek, Boma vir laataandkuiers, swembad vir afkoel. Ons het gaan stap en fietsgery, net gerus en dit was heerlik! Klaar besluit, hierdie plek gaan ten minste twee keer per jaar 'n instelling word! Als was so maklik, die bespreking, die betaling, die aanwysings! Dankie Connie, ons sal gou weer terug wees!

The place is beautiful. Beautiful, clean, and well-equipped. Pictures on the web don't do justice to the place.

Pure plesier. Wat 'n heerlike naweek presies soos die beskrywing. 'n Naweek van gerief en pure plesier.

Fantasties! Pragtige stil omgewing. Sentrale leefarea het groot vensters en deure wat oop maak om veld in te laat. Kombuis het alles wat jy moontlik kan nodig kry. Beddens bietjie aan kleinerige kant as jy oor ses voet lank is. Oor die algemeen 'n fantastiese plek vir groot groepe. Bestuurspan puik. Gaan weer bespreek vir volgende jaar.

Dit was vir ons as familie die ideale verblyf vir die geleentheid. Zebula 317 is 'n pragtige huis met al die geriewe om 'n heerlike wegbreeknaweek in die bos te kan geniet. Dis ideaal vir kinders wat met hul fietse die grondpaadjies kon ry en dit geniet het om oor die rotse te kon klouter. Die boma is 'n wonderlike kuierplek. Ons was verras met die Njalas wat so mak is en tot op die stoep kom kuier het. Ons hoop ons is beskore om weer eendag terug te kan keer na hierdie onvergeetlike plek.

Heerlike wegbreek saam met uitgebreide familie. Baie lekker luukse plek wat behoorlik goed toegerus is met alles wat mens sal benodig. Puik kuierplek!

'n Fantastiese plek om te ontsnap uit die stad uit. Die plek lyk selfs beter as die foto's. Die leef areas is groot en perfek vir 'n groot groep mense (Ons was 14 volwassenes). Die kamers was baie netjies waar elkeen hulle eie badkamer het met 'n privaat stoepie. Die huishulp was baie vriendelik en het uit haar pad gegaan om ons te help en was verwelkom met bottels wyn. Ons het dit so baie geniet, ons beplan reeds om terug te gaan in die winter en het al vir 3 mense verwys. Die enigste nota wat ek wel wil maak is dat die GPS (Google Maps) mens op 'n grondpad omvat en van die kleiner karre bietjie meer ongemaklik gery het (alhoewel die eienaar die korrekte aanwysings epos). Dankie vir 'n lekker naweek.