Zeezicht Villa

Selfsorg

Kapasiteit: 10 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: Nic Tredoux-singel 12, Jacobsbaai, 7380, Wes-Kaap
Vanaf R5 100 per nag (plek vir 10)

Beskrywing

Zeezicht Villa is in Jacobsbaai geleë wat tussen Vredenburg en Saldanha geleë is. Hierdie pragtige juweel van 'n huis wat 100 m van die strand af is, sal die perfekte plek wees vir 'n gesinsvakansie of 'n groep vriende.

Dié huis het slaapplek vir tot 10 gaste en beskik oor 5 slaapkamers en 4 badkamers plus 'n gastetoilet. Die hoofslaapkamer is ingerig met 'n koninggrootte-bed en 'n en suite-badkamer met 'n bad en 'n instapstort. Die tweede slaapkamer het 'n koningingrootte-bed en 'n en suite-badkamer met 'n bad, dubbelwasbak en toilet. Hierdie 2 kamers het direkte toegang tot 'n balkon met see-uitsigte. Daar is 'n derde slaapkamer op die boonste vloer met 'n koningingrootte-bed en sy eie badkamer met 'n stort, 'n wasbak en 'n toilet.

Daar is nog 2 slaapkamers waarvan een 2 driekwartbeddens het en die ander met 'n dubbelbed ingerig is. Hierdie 2 slaapkamers kan gebruik maak van die hoofbadkamer met 'n hoekbad en 'n stort. Daar is 'n ekstra gastetoilet.

Daar is 'n ruim en pragtige kombuis wat volledig toegerus is met 'n gasstoof, elektriese oond, mikrogolf, koffiemasjien, yskas-vrieskas, eetgerei, en breekware asook 'n 4-sitplek ontbyttoonbank. 'n Skottelgoedwasser en 'n wasmasjien is beskikbaar.

Van die kombuis af lei 'n sitarea met gemaklike sitplek en 'n platskerm-TV met 'n volledige verskeidenheid DStv-kanale en 'n Bluetooth-klankbalk. Gratis WiFi is beskikbaar.

Gaste kan hul maaltye in die eetarea by die 10-sitplek-etenstafel geniet wat na nog 'n knus sitarea met 'n lieflike kaggel lei.

Die huis beskik oor binne- en buitebraaigeriewe met genoeg sitplek vir almal by die vuur.

Die huis het 'n omskakelaar en battery in geval van beurtkrag.

Kry ’n Kwotasie