Zimbali Architectural Villa

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Mahogany-rylaan 6, Zimbali Coastal Estate, Ballito, 4301, KwaZulu-Natal
Vanaf R14 950 per nag (plek vir 8)

Beskrywing

Zimbali Architectural Villa is 'n pragtige selfsorgvilla op Ballito se gesogte Zimbali Coastal Estate. Die argitektoniese ontwerp van die villa laat gaste toe om die uitsig oor die meer, see, woud en gholfbaan vanaf die binne- en buite-areas, wat pragtig saamsmelt, te bewonder. 'n Koivisdam omring die huis en skep 'n unieke grag-effek.

Die villa is met sonkrag en 'n UPS-rugsteunkragstelsel vir die WiFi toegerus sodat gaste nie die effek van beurtkrag hoef te ervaar nie.

Die pragtige villa bied slaapplek aan 8 gaste en beskik oor 4 en suite-slaapkamers met manjifieke uitsigte oor die landgoed. Die hoofslaapkamer het 'n koninggrootte-bed, privaat sitarea, studeerkamer en 'n en suite-badkamer met 'n bad en 'n stort. Die tweede slaapkamer het 'n koninggrootte-bed en 'n en suite-badkamer met 'n bad en 'n stort. Die derde en vierde slaapkamer het elk 'n koningingrootte-bed en 'n en suite-badkamer met 'n stort.

Die oopplan-kombuis is met 'n yskas-vrieskas, stoof, oond, mikrogolfoond en moderne toebehore toegerus. Die villa het 2 sitareas, 'n aparte opwaskamer en 2 buite-eetareas. Buite is daar 'n randvloei-swembad en 'n uitsig oor die meer en die gholfbaan. 'n Draagbare gasbraai en 'n ingeboude houtskoolbraai is beskikbaar.

Die Zimbali Coastal Estate bied 'n verskeidenheid geriewe en aktiwiteite op die perseel, soos direkte toegang tot die strand, 'n 18 putjie-gholfbaan wat deur Tom Weiskopf ontwerp is, 'n spa, fiets- en staproetes, voëlkyk, joga, kajakvaart, restaurante, tennis, pikkelbal, basketbal, netbal, sokker, swem, putt-putt en krieket.

Lees meer

Kry ’n Kwotasie