Zimbi Lodge

Lodge

Kapasiteit: 16 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Erf 4 Nooitgedacht, Modimolle, 0510, Limpopo
Vanaf R900 per nag, vir 2 mense

Beskrywing

Geleë in die majestueuse Waterberg-bosveldstreek van Limpopo, sal jy Zimbi Lodge vind met asemrowende, panoramiese uitsigte oor die berge en bosveld. Geïnspireer deur 'n moderne ontwerp, beskik die lodge oor 'n kombinasie van staal, glas en rotsmateriaal. Dit is werklik die uitbeelding van kontemporêre elegansie en bied gaste al die geriewe van 'n eksklusiewe oord.

Zimbi Lodge is in privaat besit en 'n ware familie-aangeleentheid. Die lodge word bestuur deur 'n goed opgeleide en bekwame span wat gedryf word om uitsonderlike kwaliteit diens te lewer om elke ervaring onvergeetlik te maak.

Die 4 en suite-superior-lodges spog elk met 'n 180-grade-uitsig oor die Waterberge en maak oop op 'n privaat balkon. Die elegant versierde kamers beskik oor 'n koninggrootte-bed met 'n pasgemaakte matras of 2 driekwartbeddens wat met 100% katoen-perkallinne oorgetrek is, en 'n en suite-badkamer met 'n stort, bad en dubbelwasbak. Badkamergeriewe en badjas word voorsien. Ander geriewe in die kamer sluit 'n lugversorger met verkoeling en verhitting opsie, 'n gas-aangedrewe kaggel, 'n kluis in die kamer, 'n kroegie en tee- en koffiemaakgeriewe in. 'n Haardroër is by ontvangs beskikbaar.

Ongeveer 800 m van die lodge af is 'n tweede, vrystaande eenheid, Nyala Camp. Dié selfsorgfasiliteit bestaan uit 'n volledig toegeruste kombuis, sitkamer en 2 kamers wat altesaam 8 gaste akkommodeer. Buite is daar 'n stoep met ingeboude braaigeriewe, 'n braaiboma asook buitestorte.

Die hooflodge het 'n oopplan-ontwerp en bestaan uit 'n moderne kombuis sowel as 'n eet- en kroegarea wat uitkyk oor die ongerepte Waterberge. Die lodge bied 'n verskeidenheid buiteluggeriewe wat veilige parkeerplek, 'n swembad, braai-boma en markies-boma insluit. Die wynkelder is ons versteekte juweel in die bosveld. Die moderne wynkelder kan vir verskeie geleenthede soos besigheidstrategiesessies, wynproe, privaat aandetes, privaat funksies en klein, intieme troues benut word. Die wynkelder kan tot 60 mense huisves.

Kry ’n Kwotasie