Verified Reviews
Colesberg
All reviews have been left by LekkeSlaap customers staying in Colesberg
Rated 3.9 out of 5 based on 1815 reviews.
"Ek het respek vir die inwoners van Colesberg wie hul eie wonings in gastehuise omskep het. Sodoende het van die inwoners van Colesberg bygedra tot 'n nuwe plaaslike ekonomie. Dit is 'n groot en eerbare prestasie! "
"Ek sal graag JC's Pizzeria en Pub vir reisigers aanbeveel, heerlike kos, vriendelike diens en goeie waarde vir geld. Dit is selfs troeteldiervriendelik."
"Colesberg is mynsinsiens nie 'n toeristebestemming as sulks nie, maar 'n lieflike oorblyplek op pad kus toe."
"The Horse and Mill se binnehof was 'n lafenis vir ons en die vele suikerbekkies in die rankplant. Middagete by Bordeaux onder die 100-jaar oue wingerd was lieflik! Daar was baie reisigers met klein kindertjies wat heerlik op die klimrame baljaar het. Ontbyt by Plattelander was 'n goeie begin vir die dag. Kos en diens was onverbeterlik. Reisigers moet dalk net mooi dink oor die impak daarvan om vir die vele kinders op die straat geld en soetgoed te gee, want dit was vir ons 'n probleem."
"Het verblyf gekry by Toverberg. Gulhartige verwelkoming, lieflike skoon - spierwit beddegoed, lugreëling, veilige parkering kon met gemoedsrus 'n goeie nagrus hê. Heerlik uitgerus en volgende oggend vertrek."
"Dit is te klein om iets te doen, maar dis 'n goeie halfwegstop as jy ver reis."
"Dit is 'n baie stil dorp. As jy weg wil kom van alles en almal, sal dit die plek wees."
"Ons het van die eetplekke geskakel om kos te bestel en geen antwoord die Sondagmiddag tot die aand gekry nie. Jy is moeg van die aanmekaar ry, en wil nie nog op en af ry opsoek na kos nie, veral as jy nog bejaard is. Stedelinge is bederf en gewoond aan diens op Sondae by eetplekke. KFC se diens het daarvoor vergoed."
"Eerste besoek aan Colesburg. Ons het padaanwysings gevra na die plaaslike museum, die man het hom self voorgestel as 'n ene Ernie wat n motorherstel besigheid besit. Hy het gevra ons moet asb saam hom stap as ons hou van outentieke goed. Dit was vir ons net een te veel want waar kry mens nog sulke gasvrye mense. Wat ons daar gesien het was al klaar n stap in die verlede. Ons het dit opreg waardeer dat hy sy plekkie waar hy hordes oudhede bewaar met ons gedeel het. Die meeste mense is vriendelik en groet mens of hulle ons ken. Beveel mense aan om oor te slaap in Colesberg."
"Die boerbokke wat so in die strate loop was vir my te skattig. Die winkels is gerieflik naby geleë aan Chrizaan."