Verified Reviews
Free State
All reviews have been left by LekkeSlaap customers staying in Free State
Rated 4.3 out of 5 based on 10906 reviews.
"Dit bly 'n asemrowende bestemming. Nie net is dit in 'n pragtige deel van ons land geleë nie, maar daar word baie interessante doendinge aangebied wat in almal se smaak sal voorsien."
"Tyd het stil gaan staan in die dorpie. Wens ek kon daar gaan woon."
"Lyk of die skoonheid van die dorp so bietjie agteruit gegaan het, maar seker verstaanbaar met die pandemie op hande."
"Clarens, waar om te begin, ek kan nie wag om terug te gaan nie, definitief een van my gunstelinge in SA!"
"Philippolis is 'n pragtige dorp, maar vrek vuil - hul moet drasties kyk na vullis-verwydering in en om die dorpie. Die monument van Adam Kok is onveilig en word nie in stand gehou nie. Ons het 'n baie slegte ongeluk by die monument gehad as gevolg van geen relings en instandhouding van die paadjie."
"Ons is mal oor Clarens dis so 'n aangename dorpie met restaurante uit die boonste rakke."
"Clarens is een van die bestemmings wat ons probeer om ten minste een keer per jaar te besoek. Die pragtige omgewing is absoluut kos vir jou siel en jy wil nie huis toe gaan nie. Clementine's, Treats, Clarens Koöperasie restaurante word hoogs aanbeveel. Treats natuurlik fine dining en hulle ontbyte is uit 'n ander wêreld. Ons het hierdie keer Clarens Wellness Spa ook besoek. Die behandelings wat ons ontvang het was uit die boeke en die dames werksaam daar was baie vriendelik en uiters professioneel. Die buite-area by die Jacuzzi en die agterkant van die gebou kort bietjie opknapping en aandag. Baris Monger definitief 'n moet as jy spesifiek bokmelkkaas wil proe. Ongelooflik lekker. Die lekkerste bokmelkkaas wat ons nog geëet het. Die omgewing, groente, kruie en blomtuine is ongelooflik mooi. Indien jy ooit op soek is na oosterse matte besoek gerus House of Woven Art. Absolute puik diens en die pryse is baie billik."
"Altyd lekker om in Parys te kuier en die talle klein kuns- en antieke winkels te besoek."
"Bethlehem op sigself is 'n pragtige dorpie. Hulle sal net aandag moet gee aan paaie en padtekens."
"Dis ons bestemming vir mediese, finansiële en inkopie dienste. Heerlike plattelandse stad."
"Op pad Kaap toe - regte plek om bene te rek, ontbyt te geniet, halfpad na die Karoo. Perfekte plek om op pad huis toe weer te oornag."
"Clarens is ons hemel op aarde! Kan ek méér sê? Dankie, Goeie Vader, vir hierdie beeldskone plek in die Vrystaat!"
"Ons kom van Parys af. Dit is lekker om weg te kom van besige lewe."
"Pryse is buitensporig. Mense oor die algemeen nie vriendelik en behulpsaam nie. Inwoners is duidelik geïriteerd met toeriste. Hulle besef skynbaar nie dit is hul brood en botter nie. Clementines Restaurant kan hoog aanbeveel word vir top gehalte kos, aangename atmosfeer, goeie diens en billike pryse."
