Verified Reviews
Merweville
All reviews have been left by LekkeSlaap customers staying in Merweville
Rated 4.5 out of 5 based on 137 reviews.
"Merweville is 'n pragtige dorp maar ligging is bietjie moeilik omdat jy spesifiek soontoe moet ry."
"Baie interessante dorpie om te besoek. Alhoewel dit 'n entjie van die hoofweg is is dit die moeite werd om dit te besoek"
"Dorpie is maar eenvoudig, maar mense baie gasvry en behulpsaam. Die teerpad vanaf Leeu-Gamka is 'n bonus!"
"Ons het nuwe geskiedenis van ons mooi land geleer en sal graag weer in Merweville wil kuier."
"Merweville het definitief sy eie bekoring. Netjiese dorpie en vriendelike mense. Trots op hul dorp. Reis op die N1 tot by Prins Albertstasie/Prins Albert Road en draai dan af na Merweville. Dit is maar 43 km teerpad tot op Merweville. Goeie Teerpad. Slaap ‘n nag of 2 oor op pad na jou eintlike bestemming. Ons sal dit graag weer wil doen."
"Tyd het hier stil gaan staan. Pragtige, mooi skoon dorpie. Sal altyd 'n plan maak om daar te gaan kuier as ek die geleentheid kry."
"Pragtige, vriendelike, rustige plaasdorpie. Merwerville is definitief 'n plekkie om te besoek."
"Dit is 'n klein dorpie, maar so netjies. Ons het 'n heerlike ondervinding gehad om oor die pas te ry na Sutherland. Ons het dit gedoen met 'n Honda Civic en wat prentjie mooi omgewing. Pas is steil en die senuwees moet dit hou, Net nie vir reën seisoen nie. Ek sal definitief weer daar oorbly."
"Wat 'n klein paradys. Geen straatligte, buiten 2 privaat huise se sekuriteitsligte. Dorpie netjies en skoon. Alle inwoners van Merweville so vriendelik. Kan my nogal daar sien aftree. Sal Merweville beslis weer besoek."
"Rustig en vreedsaam, met baie vriendelike inwoners. En al is die dorp klein het dit nog steeds al die geriewe wat jy benodig. Ons was besonder beïndruk met die netheid van die hele dorp en die goeie toestand van die huise en die erwe!"
"Baie netjiese dorpie met 'n indrukwekkende kerkgebou. Opvallend hoe vriendelik die inwoners is."
"Merweville self bied nie veel aan nie, maar die kerk is mooi en as daar kans is moet mense 'n bietjie oor die bestaan en die geskiedenis van die dorp leer."
"Pragtige klein dorpie met sy eie karakter en atmosfeer. Die tyd word deur die kerkklok aangegee. The simple life. Loved it. "
"Daar gaan nie veel aan op Merweville nie, maar dit is baie mooi daar, veral die sonsondergang. As jy bietjie wil wegbreek van die "Rat race" in die besige stede en alledaagse gejaag, sal ek dit beslis aanbeveel. Dit was ook interessant om in die dorpie te wees waar die reeks "Die Boekklub" geskiet was."
"‘n Regte egte vriendelike Karoo-dorpie, waar my gunsteling Afrikaanse sepie, Die Boekklub, afgespeel het."
"Die mense behoort die sterreprag meer aggressief te bemark en so ook die wonderlike vleis en vleisprodukte van die plaaslike vleishandelaar. Ongelooflik."
"Merweville is 'n rustige dorpie met genoeg stilte vir die siel. Gaan ontdek jouself opnuut. Dit is net 'n plekkie vir 'n nuwe ingesteldheid. Alles net genade. "
"Ek sou dit 'n 5 uit 5 gee as dit nie so vrek warm in Merweville was nie. Jy moet in ag neem, dit is in die middel van die Karoo. Verder is dit 'n baie stil, rustige en vriendelike dorpie. Perfek vir 'n wegbreek uit die gedruis van 'n besige lewe."
"Merweville is 'n verassingsdorpie in die Karoo. Die mense is baie vriendelik en wil graag bietjie gesels en hulp aanbied waar nodig."